Imos con unha receita a que lle teño moito cariño, unha receita ca que tiven o meu minuto de gloria; con ela gañei o premio o mellor maridaxe no I Certame Gastronómico de Verín. Podedes crer que o pasei ben co momento. Aquela foi feita (e case sempre é así) con carrilleiras de tenreira e outra guarnición; esta con carrilleiras de porco ibérico (que me trouxen da última viaxe a Extremadura) e de guarnición uns pementos do Piquillo confeitados. A receita vale tanto se é de porco como de tenreira, esta última leva un pouco máis de tempo de cocción.
Necesitaremos os seguintes elementos:
2 kgs de carrilleiras
3 tomates roxos
1 e 1/2 cebolas
5 chalotas
1 porro
1 cenoria
4 dentes de allo
150 ml de brandy
500 ml de viño tinto (sempre as fixen con un bo mencía ou Ribeira do Douro)
750 ml de caldo de carne
Pementa negra moida
1 rama de romeiro
1 rama de tomiño
10 cravos de olor
1 cullerada de pementa negra en grao
1 rama de canela
Sal e aceite
Para os piquillos
16 pementos de piquillo
4 dentes de allo
2 culleradas de azucre
aceite de oliva e sal
Unha vez que xa nos provimos do necesario, procedemos da seguinte xeito.
Limpar ben as carrilleiras de peles e grasillas, doralas en aceite e engadirlle sal e pementa. Escorregar e reservar.
Limpar, lavar e picar (non fai falla que vaian moi picadas) as verduras, sofritir no mesmo aceite das carrilleiras limpo de impurezas. Deixar que sofritan, engadir as carrilleiras, a pementa, os cravos, a canela e as herbas.
Refogar todo xunto, botar o brandy e flambear. Engadir o viño tinto, deixar evaporar o alcohol, e o caldo de carne. Deixar ferver a lume brando ata que estean tenras. No caso que nos ocupa, das de porco, entre unha hora ou hora e cuarto. Se son de tenreira engadir como unha media hora máis.
Cando estea no seu punto retiramos as carrilleiras e pasamos a salsa e as verduras polo chino, facemos forza nas verduras para que solten todo o que levan dentro. Se fose necesario reducimos a salsa resultante. Cortamos as carrilleiras en anacos grandes e volvémolas a poñer na salsa. Deixámolas repousar ata o día seguinte, para que polo proceso de oxidación se misturen mellor os sabores.
Mentres se fan as carrilleiras imos a preparar os pementos do Piquillo. Nunha tixola ampla e con aceite poñemos os allos laminados, fritimos sen que collan cor, botamos os pementos escorregados e deixámolos a lume brando.
Engadimos o azucre e o líquido da lata dos pementos. Cocémolos a lume lento ata que estean confeitados.
Prato de sabor exquisito. Non vos podedes perder o aroma da canela e o cravo no prebe.
Necesitaremos os seguintes elementos:
3 tomates roxos
1 e 1/2 cebolas
5 chalotas
1 porro
1 cenoria
4 dentes de allo
150 ml de brandy
500 ml de viño tinto (sempre as fixen con un bo mencía ou Ribeira do Douro)
750 ml de caldo de carne
Pementa negra moida
1 rama de romeiro
1 rama de tomiño
10 cravos de olor
1 cullerada de pementa negra en grao
1 rama de canela
Sal e aceite
Para os piquillos
16 pementos de piquillo
4 dentes de allo
2 culleradas de azucre
aceite de oliva e sal
Unha vez que xa nos provimos do necesario, procedemos da seguinte xeito.
Limpar ben as carrilleiras de peles e grasillas, doralas en aceite e engadirlle sal e pementa. Escorregar e reservar.
Limpar, lavar e picar (non fai falla que vaian moi picadas) as verduras, sofritir no mesmo aceite das carrilleiras limpo de impurezas. Deixar que sofritan, engadir as carrilleiras, a pementa, os cravos, a canela e as herbas.
Cando estea no seu punto retiramos as carrilleiras e pasamos a salsa e as verduras polo chino, facemos forza nas verduras para que solten todo o que levan dentro. Se fose necesario reducimos a salsa resultante. Cortamos as carrilleiras en anacos grandes e volvémolas a poñer na salsa. Deixámolas repousar ata o día seguinte, para que polo proceso de oxidación se misturen mellor os sabores.
Mentres se fan as carrilleiras imos a preparar os pementos do Piquillo. Nunha tixola ampla e con aceite poñemos os allos laminados, fritimos sen que collan cor, botamos os pementos escorregados e deixámolos a lume brando.
Engadimos o azucre e o líquido da lata dos pementos. Cocémolos a lume lento ata que estean confeitados.
Prato de sabor exquisito. Non vos podedes perder o aroma da canela e o cravo no prebe.