Ir al contenido principal

Entradas

Mostrando entradas de 2010

De O Monte do Gozo a Santiago de Compostela

Por fin rematamos O Camiño. O pasado día 18 fixemos o último tramo que nos restaba, un pequeno paseo de 4 quilómetros que nos levou ata a Catedral de Santiago. Despois da visita a Catedral, un paseo polo Franco, con un par de viños para o corpo, xantar e visita a Santo Domingo do Bonaval, o Museo do Pobo Galego. Unha vez rematado ata Santiago, un sente que non foi tempo perdido ese día ó mes que adicabamos a facelo, se non todo o contrario. Nestes primeiros meses do ano 2011, ata xuño, continuaremos a rematar O Camiño en Fisterra. Máis esa é outra historia que iremos contando. Bo camiño, peregrino . 

Crema de berenxena, con garavanzos e tomate

Ola, despois do primeiro asalto deste maratón de Nadal imos a facer unha crema para alixeirar as dixestións. Para esta ocasión precisaremos: 300 grs de garavanzos cocidos 150 grs de queixo fresco 200 grs de tomate frito (o Solis non lle vai mal) 2 berenxenas 1 cebola 1 pastilla de caldo de ave Aceite e sal Pan frito Cortamos as berenxenas en dados, sazonámolas e deixamos repousar uns 30 minutos. Pasalos por auga e escoalos. Refogamos a cebola picada nun pouco de aceite, engadimos os dados da berenxena; deixamos facer a lume brando uns 5 minutos. Engadimos o sofrito de tomate, os garavanzos, 750 ml de auga e a pastilla do caldo de ave. Cocemos durante 20 minutos. Unha vez cocido, engadimos o queixo fresco e pasamos pola batedora; pasamos polo chino para obter un puré fino. Servir cos dados de pan frito e un chorro de un bo aceite de oliva. A mesa e dar boa conta dela.

Sopa de pedra

Imos a meternos hoxe con un prato de culler da cociña do noso país veciño, Portugal. Con estes días de friaxe que están a vir, vai a entrar moi ben. Esta sopa e típica de Ribatejo, máis hai algunhas parecidas noutras zonas de Portugal. As fabas encarnadas (eu usei brancas) parecen pedras dentro da sopa, esta é unha das teorías para xustificar o seu nome. Necesitaremos: 175 grs de fabas encarnadas postas a remollo o día anterior 100 grs de touciño 100 grs de chourizo 1 cebola picada 1 porro picado 1 dente de allo picado 1 folla de loureiro 2 cenorias cortadas en anacos 3 tallos de apio en anacos (opcional) 100 grs de col lombarda ou outra cortada en tiras Caldo de verduras Sal, pementa e coandro (serve o pirixel) Poñemos as fabas nunha pota, cubertas de auga e deixámolas cocer 10 minutos. Tapar e deixar cocer a lume brando durante 35 minutos, ata que estean brandas. Escorregar e reservar. Se usades das que veñen cocidas aforrades este paso (o sácalas do frasco, lavala

Secreto ibérico

En tan so uns poucos minutos un prato extraordinario. Eu traíao de Extremadura,, xunto cas carrilleiras de porco, máis xa empezo a encontralo por Ourense. Esta é unha peza que forma parte do extremo superior da falda e próximo a cabeceiro do lombo, composta por fibra e graxa entreverada. É unha peza cada vez máis popular. 900 grs de secreto (cada peza é de entre 150/200 grs) Patacas Sal Maldón Fritimos as patacas. Escorregamos o aceite da tixola, máis que lle quede unha película (se dispoñemos de parrilla con brasas, nin cho conto), facemos as pezas de secreto e servimos por riba das patacas (a min gústame presentalo cortado) e sazonamos con escamas de sal Maldón. A redución de vinagre de Módena, non lle vai nada mal. Non o perdades.

Volován recheo de cogomelos, queixo cremoso e polo

Se pretendedes facer para as festas un primeiro a base de petiscos, o volován é todo un clásico. O mellor que ten e que, a nosa imaxinación para o recheo pode ser infinita e un pouco máis alá. O seu e facer os volovanes na casa, pero nestas datas o que sobra é traballo na cociña, para esta proba eu merquei uns minis. Necesitaremos para 6 volovanes medianos: 50 grs de manteiga 1 cebola 300 grs de cogomelos variados 2 dentes de allo 2 ramas de pirixel 250 grs de queixo cremoso 1 peituga de polo Sal e pementa negra Facemos un sofrito ca manteiga, a cebola, os allos moi picados, a sal, o pirixel e a pementa. Engadimos os cogomelos. No momento que estea ben o sofrito, reservamos. Fileteamos en anacos pequenos as peitugas, salpimentamos e salteamos, ata dourar, na mesma tixola onde fixeramos os cogomelos. Enchemos os volovanes con un pouco de setas, de seguido un pouco de queixo cremoso e poñemos por riba uns anacos de polo e máis cogomelos. No momento de servir darlle un gol

Vieiras recheas asadas

Imos con outra opción de vieiras para as festas, tamén un pouco distinta a de sempre. Para esta ocasión necesitaremos: 4 vieiras 300 grs de porros 100 grs de panceta 1 cebola 250 ml de tona 1 culleriña de manteiga queixo relado Aceite, pementa e sal Limpamos as vieiras e reservámolas. Picamos os porros, a cebola e cotamos a panceta en tiras. Nunha tixola con un pouco de aceite, sofritimos o porro e a cebola. Cando estean brandas, engadimos a panceta e deixamos dourar. Engadimos a tona e facemos uns minutos ata que espese e reduza. Nunha tixola marcamos as vieiras volta e volta. Salpimentamos. Montamos unha base de prebe nas cunchas (si e que optades polo clásico), poñemos a vieira e cubrimos con mais prebe. Poñemos queixo relado por riba e gratinamos ata que quede dourada. Servir e dar boa conta delas. Eu presenteinas nunhas pequenas cazolas e en tosta de pan.

Chipirós guisados con patacas

Imos con un de eses guisos que tanto me gusta deixar preparados da noite anterior, é que son completamente distintos a o día seguinte. A pesares que no Diccionario da Lingua Galega utiliza lura como xenérico de molusco cefalópodo de corpo alongado con oito tentáculos e dúas aletas, eu vou a saltar as normas e permitirme un hiperenxebrismo a o galeguizar a palabra castelá chipirón, xa que na gastronomía coido que hai que diferencialos. Outra gran diferencia entre a lura (calamar) e a lura (chipirón) e que na peixaría a primeira dana limpa e ca segunda falo ti na casa. Unha vez que xa me tirei o pegote e me quedei tranquilo, necesitaremos: 1 quilo de " chipirós" 5 patacas 1 cebola 2 dentes de allo 3 cenaorias Un vasiño de viño branco Aceite, sal, pementa e pirixel Con estes ingredientes tan sinxelos imos a proceder do seguinte xeito: cortamos o allo en láminas, a cebola picámola fina e as cenorias en rodelas. Refogamos o conxunto ata que estea brando e con unha lixe

Polo picantón asados con marmelada de tomate

Fai algún tempo xa fixera uns polos picantós asados onde indicaba o adobo, a base de herbas para asalos. Ben para esta receita remítovos a través dun enlace a receita referida, e a maiores engadimos a confección da marmelada de tomate. Necesitaremos: 2 polos picantós asados   Para a marmelada 500 grs de tomates cherry 2 culleradas de aceite de oliva 8 ceboliñas pequenas  2 dentes de allo 600 ml de vinagre de viño de Jerez 75 grs de azucar glass Sal en escamas Proceso da marmelada: nun cazo poñemos a quecer o aceite para saltear as ceboliñas partidas pola metade e os dentes de allo fileteados. A continuación engadimos os tomates, partidos pola metade, sen pel (escaldalos para pelalos, é máis doado) e sen sementes. Engadir o vinagre, o azucre e a sal. Deixámolo facer uns 15 minutos remexendo de vez en cando, ata que o líquido se evapore e estea confitado o conxunto. Presentamos os picantós acompañados da marmelada.

Puré de patacas o aceite de pemento con ovos de paspallás e chourizo

Como lle comentei a Jaime, os días festivos dan para moito e aproveiteinos. Imos cun un puré aderezado con allo e pemento moido que lle da unha sabor excelente. Non lle fagades caso o nome de prato, son patacas con ovos e chourizo, pero dándolle unha volta.  Necesitaremos os seguintes ingredientes: 4 patacas medianas 12 ovos de paspallás 12 galletas salgadas 70 grs de chourizo ibérico 4 culleradas de aceite de oliva 2 dentes de allo Un chisco de pemento moido Sal Pelamos e lavamos as patacas, cortámolas en anacos e poñémolas a cocer con sal ata que estean brandas. Quentamos 3 culleradas de aceite e douramos os allos fileteados, fora do lume engadimos o pemento moido, remexemos e engadimos as patacas (ollo a quen non lle guste o sabor do allo). Remexemos de seguido ata que as patacas se desfagan e tomen algo de cor. O chourizo ibérico cortámolo en tiras e salteámolo nunha tixola (mellor antiadherente) a lume vivo ata que doure e quede crocante. Na mesma tixola, despois

Vieiras con xamón

Todo un clásico, máis apetecíame facelo e coido que leva unha pequena variación. Necesario para 4 pax: 16 vieiras 4 lonxas de xamón 1 dente de allo 4 ramas de pirixel 2 culleradas de pan relado Manteiga, sal e pementa. Se compramos as vieiras con cuncha, abrilas, con un coitelo separalas da cuncha e evisceralas ben. Colocámolas, salpimentadas, nunha fonte que poida ir o forno un pouco untada con manteiga. Por outra banda trituramos o allo, o pan, o pirixel e a manteiga (en cantidade suficiente para que a mistura sexa cremosa). Poñer por riba de cada vieira unha culleriña da mistura e o xamón en tiras. Poñelas no grill uns 8 minutos. Servir quentes ben nas cunchas ou nun prato.

Milfollas de pataca confitada, foie e chacina

Estamos ante outro ensaio de cousas para o Nadal. Este que nos vai a ocupar, está mal que eu o diga, pero esta moi bo, con unha mistura de sabores que ides a agradecer. Soamente ten un problema: o custe económico, pero aínda que sea para probalo merece a pena. Necesitaremos para 4 pax: 2 patacas medianas 400 grs de terrina de foie 100 grs de chacina cortada fina Brotes de ensalada Aceite, sal, pementa e rúcula. Poñémonos mans a masa e arrancamos lavando e pelando as patacas, cortámolas en rodelas de 1/2 cm; poñémolas nunha olla e cubrímolas de aceite. Salpimentar e poñer a confitar a 85º aprox. ata que a pataca estea cocida. Deixámola arrefriar a temperatura ambiente dentro do aceite. Cortamos a terrina de foie en rodelas de 1/2 cm (pasar o coitelo por auga quente para facilitar o corte). Montamos o milfollas colocando pataca, foie e chacina en varias capas. Colocar por riba do milfollas a ensalada aliñada con aceite e limón. Engadir escamas de sal e servir a temperatura

Carrilleiras de porco ibérico estofadas con piquillos

Imos con unha receita a que lle teño moito cariño, unha receita ca que tiven o meu minuto de gloria; con ela gañei o premio o mellor maridaxe no I Certame Gastronómico de Verín. Podedes crer que o pasei ben co momento. Aquela foi feita (e case sempre é así) con carrilleiras de tenreira e outra guarnición; esta con carrilleiras de porco ibérico (que me trouxen da última viaxe a Extremadura) e de guarnición uns pementos do Piquillo confeitados. A receita vale tanto se é de porco como de tenreira, esta última leva un pouco máis de tempo de cocción. Necesitaremos os seguintes elementos: 2 kgs de carrilleiras 3 tomates roxos 1 e 1/2 cebolas 5 chalotas 1 porro 1 cenoria 4 dentes de allo 150 ml de brandy 500 ml de viño tinto (sempre as fixen con un bo mencía ou Ribeira do Douro) 750 ml de caldo de carne Pementa negra moida 1 rama de romeiro 1 rama de tomiño 10 cravos de olor 1 cullerada de pementa negra en grao 1 rama de canela Sal e aceite Para os piquillos 16 pementos

Pastel de carne, requeixo e cabaza

Esta receita tiña apartada nun caixón media perdida e case que esquecida. Máis eses días atrás déronlle a miña dona unha estupenda cabaza e entón púxenme a rebuscar. Aí estaba, non podo citar de onde a saquei, sinto, nas miñas notas non figuraba a referencia. Necesitaremos: 1 tomate 1 cebola picada 250 grs de carne de tenreira picada 250 grs de carne de porco picada 250 grs de requeixo 250 grs de queixo Philadelphia 1 xema Queixo relado Pirixel picado 1 kg de cabaza 1 culler pequena de pemento moido Aceite, sal, pementa e noz moscada Para o puré de cabaza, sacamos as sementes, pelamos e partimos en anacos. Poñémola a ferver en auga salgado ata que estea tenra. Escorregamos gran parte da auga da cocción e facemos un puré. Unha vez feito poñémolo a lume medio, remexendo de seguido, para que evapore o resto de auga que lle quedase. O tempo que se fai o puré, imos picando a cebola, o tomate, sen pel e sementes, en anacos pequenos e facemos un rustrido o que incorporaremos

Ovos en cocotte con cogomelos e cabaciña

Pilar imos con outro afrancesamento, que lle queres un ten as súas debilidades; "Ovos en olla con cogomelos e cabaciña". Pero chamémoslle como lle chamemos están moi bos. Segundo estou escribindo esta entrada, teño no lume unhas carrilleiras que se están a facer a lume brando, e que están despedindo un aroma que fai perder o sentido. Ben, para o que nos ocupa usaremos (4 pax): 4 ovos ben frescos 4 culleradas de tona 1 cabaciña 100 grs de cogomelos 15 grs de manteiga 2 culleradas de aceite de oliva 2 beliscos de tomiño (se pode ser fresco) 2 beliscos de perexil picado Sal, pementa e abelás (este último opcional) Limpamos os cogomelos e cortamos en anacos se son grandes. Salteamos no aceite e cas herbas, deixamos que evaporen a súa auga. Untamos catro moldes ca manteiga. Poñemos no fondo de cada un a cabaciña cortada en rodelas moi finas. Engadimos unha cullerada de tona en cada un. Repartimos os cogomelos por riba da tona. Botamos en cada molde un ovo. Salpimen

Risotto de gambas o cava

Co que me gusta o arroz e que poucas entradas fago con este produto. Hoxe imos con unha receita sobre o tema moi sinxela. Para 4 persoas necesitaremos: 350 grs de arroz bomba 24 gambas 1 cebola 1 litro de caldo de peixe suave 2 culleradas de manteiga 1 golpiño de bo viño branco 1 copa de cava Perexil Unha pizca de azafrán Aceite de oliva, sal e pementa branca Preparamos do seguinte xeito: Pelamos as gambas e separamos as colas das cabezas. Poñemos as cabezas nun chino, e incorporamos todo o xugo que podamos quitarlles a o caldo de peixe. Salpimentamos e fritimos as colas das gambas nunha cazola con un pouco de aceite a lume vivo. Botamos o viño e deixamos que reduza. Procurar que queden pouco feitas. Reservar. Poñer unha cullerada de manteiga na mesma cazola na que se fixeron as gambas e sofritir a cebola moi picada. Cando a cebola estea feita, engadir o arroz. Cando este estea transparente, incorporar o cava e así que reduza ir engadindo os poucos e sen deixar de rem

Timbal de zorza e patacas o queixo do Cebreiro

Como xa estamos en tempo de matanza, imos a darlle unha volta a un produto que, coido, é do gusto de todos: a zorza. Vamos a cociñala como sempre, pero engadiremos unha salsa que vai a facer un conxunto moi bo. E faremos un pequeno esforzo en presentala como un prato de primeira (que por si soa o é). Necesitaremos para dúas persoas. 500 grs de zorza 2 patacas 1 chalota 200 grs de queixo do Cebreiro 200 ml de tona para cociñar Manteiga e brandi Proceso do prato: Cocemos as dúas patacas ca pel, para cando sexan manexables cortaremos en rodelas como de medio centímetro. Para facer a salsa picaremos a chalota finamente, que faremos nun pouco de manteiga procurando que non colla cor. Engadimos o queixo en anacos pequenos e rociamos con unha copiña de brandi. Hai que remexer segundo se vai desfacendo o queixo e evaporando o alcohol, neste momento engadimos a tona e seguimos remexendo ata conseguir unha consistencia cremosa, salpimentamos e reservamos quente. Salteamos a zorza

Xornada mundial do sida

Tosta de piquillos con anchoas e requeixo

Nestes días atrás estiven a asistir a un pequeno curso de tres días que se fixo no CC Ponte Vella. O lema do curso era. "Tapas e tragos". Irei poñendo as tapas que fixemos, e unha delas é esta que nos ocupa. Vou a poñer cantidades para catro tostas, é aproximado, que cada un os use na mediada dos seos gustos. 4 tostas de pan 3 pementos de piquillo 1 dente de allo 200 grs de requeixo 1 lata de anchoas Ceboliño fresco Vinagre de Módena Poñemos a confitar os pementos co dente de allo sen pelar e cubertos de aceite (xogade co lume, non debería pasar de 70 ou 80 grados; en roman paladino, que non debe ferver, deixádeos entre 30 e 40 minutos, pódese engadir unha culleriña de azucre contra o final. Facemos unha redución de vinagre de Modena (como norma para 1 litro de líquido, 400 grs de azucre), evidentemente non necesitamos un litro. Facer nun cazo ata conseguir a textura desexada, pensade que cando arrefría tende a espesar. Picamos finos os pementos, o ceboliño e

Ovos recheos rebozados

Nada novo baixo o mundo; son uns ovos recheos de toda a vida, pero non me resisto a poñelos no sitio este. Necesitaremos: 5 ovos 250 ml de leite 2 culleradas de fariña 1 cullerada de manteiga 8 filetes de anchoa Noz moscada Pan relado Aceite e sal Poñemos catro ovos a cocer en auga con sal, partindo de auga fría, durante 10 minutos. A continuación, retiramos, arrefriamos e pelamos. Reservar.   Nun cazo, fundimos a manteiga e douramos a fariña. Incorporamos a leite sen deixar de remexer ata que espese. Salpimentamos e engadimos un pellizco de noz moscada. Ten que quedar como unha bechamel bastante espesa e debemos esperar a que arrefríe para poder manipulala.   Partimos os ovos pola metade, retiramos as xemas e reservamos as claras. Picamos as xemas de huevo y misturámolas cos filetes de anchoa picadas e ca bechamel.   Recheamos as claras cocidas ca mistura de xeito que volva a ter forma de ovo enteiro.   Batemos un ovo nun bol e poñemos o pan relado noutro. Pasamos

De Sta. Irene a O Monte do Gozo

Este último sábado fixemos a penúltima etapa do Camiño. As previsións climatolóxica eran máis que malas, eran pésimas; de feito na chegada a Sta. Irene o comité de recepción foi unha tremenda cortina de auga. Sen embargo a mañá foi amiga e deixounos camiñar sen auga. Comentei con algúns dos camiñantes a sorpresa que foi atopar unha fermosa etapa, cando a idea que levaba era, pola proximidade de Santiago, de unha etapa case que asfáltica. E a opinión era dominante. O paso polo concello de O Pino atravesamos un bosque realmente fermoso, eucaliptos (sen máis comentarios) case que sen fin, carballos de caprichosas formas. Non o falei no seu momento ca xente que ía, máis agora que ninguén me escoita, pareceume un pouco máxico, sentindo unha sensación estraña, unha sensación que se me antollaba de moito sosego. Despois de mirar as fotos aínda se me acentuou máis esa sensación; non me fagades moito caso, podería ser un bosque animado:  " - Buenos días amigos- dijo Roble con voz poten

Follado de polo

Retomamos a masa follada, que tanto xogo nos da na cociña salgada. Hoxe combinarémola con polo e un sofrito que o vai a facer máis zumarento. Os nosos ingredientes: 2 Peitugas de pollo enteiras 30 grs de manteiga 1 cebola pequena 1 dente de allo 250 grs de champiñóns 2 masas de follado lonxas de touciño 1 ovo Aceite, sal e pementa Pois con todo o anterior poñémonos mans a obra. Cada peituga enteira partímola en dúas, salpimentámolas e douramos en 4 culleradas de aceite. Reservamos. Picamos fino a cebola e o allo, o mesmo os champiñóns. Nun cazo poñemos a manteiga e engadimos a cebola e o allo, facemos a lume brando. Cando estean transparentes engadimos os champiñóns, subimos un pouco o lume, salpimentamos e cocemos sen tapar. Cortamos cada lámina de masa follada en dúas, en cada unha delas poñemos unha peituga co sofrito por riba e tapamos cas lonxas de touciño. Cerramos ben o follado, pintamos co ovo batido e poñemos no forno, prequecido a 200º, entre 20 ou 30 minutos

Crema de mazá e xamón

Imos alá con outra crema, desta misturaremos a mazá co xamón. Particularmente gústame, o sabor que devolve unha vez tomada a cullerada, paréceme soberbio. Usaremos: 1 bolsa de puré Maggi 1 Bote de leite evaporado Ideal 4 Mazás Goldén 2 Osos de xamón (codillo) 1 caciño de caldo de verduras Knorr 4 lonxas de xamón 25 grs de manteiga Como fixemos na entrada anterior facemos o xamón no microondas uns 2 e medio ou 3 minutos. Pelamos as mazás e cortámolas en gallos, refogámolas na manteiga; engadimos 1 litro de auga, os osos de xamón (ollo que nos estean rancios), o caciño de caldo de verduras e cocémolo a lume brando durante 30 minutos. Retiramos os osos de xamón e trituramos ca batedora, ata obter unha crema fina; engadimos a leite e o sobre dos copos de patacas, deixámolo repousar e remexemos. Servimos co xamón en anacos por riba. Un pouco de aceite de oliva virxe non lle ven nada mal. Non dubidedes en probalo.

Tartaleta de escuma de allo con gulas e xamón ibérico

Estou a probar algunhas cousas para as festas de Nadal que xa está na porta. Segundo vaia probando ireino poñendo no blog, sempre que mereza a pena, por se pode axudar a alguén. Contaremos para este petisco con: 1 cabeza de allos 125 grs de maionesa 2 claras de ovo 150 grs de gulas 100 grs de xamón unhas ramas de ceboliño ou perixel Cocemos a cabeza de allos o forno a 160º, durante unha hora. Cando se poida manipular, extraese a polpa dos allos. Facemos unha maionesa, misturando a polpa dos allos. Montamos as claras, con un belisco de sal, a punto de neve e misturámolas con delicadeza ca salsa maionesa. Salteamos nun pouco de aceite as gulas. Poñemos as lonxas do xamón no microondas entre 2 e medio ou 3 minutos. Cando se poida manipular faremos labras. Montaxe: na tartaleta poñemos unha base da salsa, por riba as gulas e rematamos con unha farándula de labras de xamón. Adornamos con ceboliño. 

Crumble de cabaciña, serrano e parmesano

O crumble proven da cociña inglesa e é un prato de sobremesa (froitos roxos, mazás, peras, etc). Igual que fixemos co clafoutis, imos a facer unha versión salgada, e para elo imos a precisar: 3 cabaciñas 6 lonxas de xamón serrano 4 culleradas de aceite de oliva 120 grs de parmesano relado groso 80 grs de manteiga 4 culleradas de fariña pan relado Faremos do seguinte xeito: cortamos as cabaciñas en rodelas e pasámolas pola tixola con un pouco de aceite uns 3 ou 5 minutos, retirámolas sobre papel e salpimentamos. Cortamos o xamón en anacos pequenos. Nunha cunca misturamos a manteiga abrandada co parmesano a máis a fariña. Facemos unha masa beliscando cos dedos ata que quede homoxénea e forme unha especie de engrudo. Colocamos as rodelas da cabaciña, nunha fonte de forno, intercalando os anacos de xamón, repartimos a masa de parmesano por riba, espolvoreamos co pan relado e metemos a grellar no forno ata que faga costra e colla cor.

Potaxe de fabas e col o viño tinto

Que vaia por diante que ha fabada tradicional está moi presente no meu receitario de cabeceira, máis de cando en vez temos que combinar con outros elementos. Para facer esta potaxe, imos a procurar os seguintes ingredientes: 300 grs de fabas pintas 1 vaso de viño tinto (200 ml) 200 grs de tomate frito Solís 100 grs de touciño entrefebrado 1/2 col 1 caciño de caldo de verduras Knorr 1 cenaoria 1 porro 2 dentes de allo 1 folla de loureiro aceite e sal Nunha cazola con un pouco de aceite, refogamos a cenaoria, o porro e un dente de allo picados. Engadimos o touciño tallado e cando estea dourado votamos o tomate frito e incorporamos as fabas, o caciño de Knorr, o loureiro e o viño. Cubrímolo con auga fría. Cocemos o conxunto a lume suave durante 2 horas (ver o tempo de cocción das fabas). Mentres cocen as fabas, cortamos a col en tiras e cocémola en auga salgada, escorregamos ben. Douramos o outro dente de allo e refogamos a col reservada. Engadimos a col a o potaxe e re

Clafoutis de cabaciñas e queixo de cabra

Primeiro de nada imos ca petulancia do nome: clafoutis e unha palabra que procede do francés, ven dun verbo que significa reencher e fai referencia a unha torta de cereixas. O que fago hoxe e a súa versión salgada. Ten algunhas similitudes con unha quiche. A opinión que vou a dar é a dun profano e que a fai a partir do que leva lido e observado; penso que a cociña francesa, é unha copia da española feita con manteiga. Que me desculpen os milleiros de seguidores franceses que teño. Ben vamos co que nos interesa e para elo necesitaremos: 2 cabaciñas 1 lonxa grosa de xamón cocido 1 bote de leite evaporado ideal (470) 250 grs de queixo de cabra en rulo 4 ovos 2 culleradas de fariña Manteiga, sal e pementa Lavamos e relamos as cabaciñas ca pel. Nun bol batemos os ovos ca fariña, vertemos o leite evaporado e engadimos a metade do queixo desmigado, as cabaciñas reladas e o xamón cortado en dados. Salpiméntase e misturase ben. Prequecemos o forno a 200º. Vertemos nun molde (unt