Ir al contenido principal

Entradas

Mostrando entradas de 2013

Sardinilla con tartar de tomate e sandía

Ir á entrada en castelán Como prometín na anterior entrada, vai outra receita con conservas galegas para a mesa das nosas festas de Nadal e para as #RecetasSolidariasParaNavidad. Neste caso imos por en valor as sardinillas, para min unha das conservas máis saborosas. Para esta sinxela receita necesitaremos: Sardinillas en aceite de oliva PARA O TARTAR 3 tomates pera 1/2 cebola mediana roxa 150 grs de polpa de sandía 1 cullerada de aceite de oliva Unhas gotas de zume de limón Sal e pementa Cortamos os tomates (sen pebidas), a cebola e a sandía, en brunoise, mesturamos, salpimentamos e regamos co aceite e o zume de limón. Reservamos a temperatura ambiente para que se macere un pouco. Abrimos a lata das sardinillas. Montamos cun aro cortapastas un pequeno montón de tartar e colocamos unhas sardinillas sobre o mesmo. Penso que é unha gran mestura de sabores, de unha elaboración que non pode ser máis sinxela e simple e de un moi baixo coste. Servimos a te

Mousse de bonito sobre area crocante de pan e touciño

Ir á receita en castelán Con esta receita e a seguinte que publicarei, quero facer por un lado unha proposta de uso das conservas galegas de calidade, e por outro facer unha receita para #RecetasSolidariasParaNavidad Pois ben nesta primeira a conserva que quero poñer en valor é o bonito, entón imos a precisar: 200 grs de bonito en aceite de oliva 2 ovos 70 ml de tona Pementa branca e sal PARA A AREA 100 grs de pan 50 grs de touciño afumado en lonchas Poñemos o forno a prequecer a 200º. Mesturamos no vaso do batedor, o bonito escoado, os ovos, a tona, a pementa branca e sal. Batemos até que se integren ben os ingredientes e vertemos no molde escollido, se non é de silicona untar con manteiga. Metemos no forno nun baño maría e deixamos entre 20 e 30 minutos. Imos vendo pinchando, até que saia limpo o palillo. Deixamos atemperar e desmoldamos. PARA A AREA , tostamos o pan e facemos o touciño no microondas, entre dous papeis de cociña, uns dous minutos

Fabas con chipiróns

Ir á receita en castelán Como non soamente existe o Nadal e o resto dos días tamén hai que comer, imos con algo mais prosaico: unha receita de legumes, neste caso unhas fabas, que mesturaremos con un produto do mar, os chipiróns (en castelán hay chipirones y calamares, no galego a palabra lura emprégase para os dous. A pesar do erro usarei o hiperenxebrismo para diferencialos). Coido que estas mesturas de mar e campo ou montaña, sempre nos dan un resultado positivo e moi satisfactorio. Pois xa metidos en faena procuraremos: 1/2 quilo de luras (chipiróns) 300 grs de fabas de La Granja 200 grs de cebola 1 pemento verde 2 dentes de allo 200 grs de sofrito de tomate Pirixel picado, sal e aceite de oliva Podemos usar fabas secas e cocelas nos ou ben usar as que xa veñen cocidas. O aforro en tempo e de enerxía é considerable. Eu usei unhas fabas de La Granja que xa veñen cocidas e o resultado foi moi bo. Escoar ben debaixo da billa. Limpamos ben os chipiróns.

Solombo de porco Selecta con patacas confeitadas e manteiga de mostaza

Ir á receita en castelán Esta é outra receita feita con carne de cerdo S electa da empresa Coren . Imos a conxugar o sabor da carne, con unhas patacas case cocidas en aceite e unha manteiga aromatizada con mostaza e romeiro. O resultado é máis que aceptable. Teremos en conta que o punto crítico da receita, é o momento de facer a carne, non se debe de pasar moito pero ollo é carne de porco e tampouco debe de quedar crúa. Imos a precisar: 1 Solombo de porco Selecta 4 Patacas medianas 125 grs Manteiga 2 Culleradiñas de Mostaza Aceite de oliva Follas de romeiro Sal Maldon Pelamos as patacas e cortámolas en rodelas de medio cm. aproximadamente. Poñémolas no aceite, que teremos a unha temperatura de 60º-70º, e deixaremos, cubertas por o mesmo, uns 50 minutos aproximadamente. Si vésemos que sube a temperatura, baixamos o lume e incluso apartamos do mesmo uns minutos. Mentres se fan as patacas e xa ca manteiga con textura de pomada, mesturámola cas dúas culleriñas de most

Espaguetis con albóndegas (Receitas de cine)

Ir á receita en castelán Seguindo con receitas relacionadas co cine, por mor do Festival de cine OUFF que se está a celebrar en Ourense, hoxe imos a irnos ó mundo infantil con unha película de debuxos animados. Todo un clásico: La dama y el Vagabundo. Si clásica é a película, clásica é a receita, que aparece na tenra escena na que cada can agarra unha punta do mesmo espagueti e rematan cun beso entre eles .   É unha película infantil e a receita é das que máis lle gustan os cativos da casa. Para prepararlles esta receita os cativos da casa, imos a precisar: 320 grs de espaguetis 350 grs de carne picada 3 tomates 2 ceboletas pequenas 2 dentes de allo Pirixel picado 1 ovo Miga de pan Leite Aceite de oliva Sal e pementa Comenzamos pelando os tomates e cortando en anacos pequenos. Reservamos Picamos as ceboletas e un dente de allo. Nunha cazola sofritimos as ceboletas, cando estas xa estean engadimos o allo e os tomates. Salpimentamos e incorporamos o pirixel picado.

Soufflé de queixo (Receitas de película)

Ir á receita en castelán Nestes días estase a celebrar en Ourense o Festival de cine OUFF. Ó mesmo tempo en distintos restaurantes da cidade, faise unha oferta gastronómica para comer de cine. Pois ben esta receita, moi concorrida pola rede, é a que Audrey Hepburn aprende a facer na famosa escola de cociña Le Cordon Bleu. A película é do xenial Bily Wilder e a actriz ten coma compañeiros de rodaxe a dous "principiantes", Humphrey Bogart e Wiliam Holden. Esta receita é a miña pequena achega a este Comer de cine do Festival de Ourense OUFF. Para esta coñecida receita necesitaremos: 300 / 400 ml de leite 40 grs de manteiga 40 grs de fariña 100 grs de emmental relado 3 xemas de ovo 5 claras de ovo Pan relado Pementa branca e sal Relamos o queixo e reservamos. Nunha cazola poñemos a fundir a manteiga á que engadiremos a fariña para facer un roux. Deixamos facer un par de minutos. Imos engadindo a leite os poucos e remexendo cunhas va

Lingotes e bizcoitiños de castaña

Ir á receita en castelán 600 Grs. de castañas crúas e peladas 1/2 litro de leite   150 Grs. de azucre   50 Grs. de manteiga   4 Ovos   1 Copiña de ron   1 Cullerada de cacao en po   1 Pizca de sal   1 Cullerada de azucre glas   A reladura dun limón Novembro, mes de Santos e castañas, mes de morogos nos érvedos, mes de fogueiras e fume en Ourense, mes de castañas e chourizos asados, mes no que o viño tinto novo empeza a manchar as camisas, mes por encima de todo, no que o verao se despide e da a entrada ó inverno nesta ancestral festa dos magostos en Ourense. Esta festa trae un montón de recordos do tempo de mocidade, no meu caso ai tres días, de subida ó monte, de ver quen prendía o lume máis grande, de ver que fogueira facía máis fume, de ver aquel Ourense rodeado de fume (purificador non de incendios), e contra a noite, baixada de todos os mozos e mozas cara a Alameda do Cruceiro, cas caras tiznadas e as roupas cheirando a fume, onde a festa seguía o redor dunha e

Tosta III Xuntanza Bloggers Galicia

Ir á receita en castelán Xa sabedes que o día 19 do pasado mes de outubro, celebramos en Maceda (Ourense) e no Castelo de Maceda, a III Xuntanza de Bloggers Gastronómicos de Galicia. Pois ben, esta tosta pretende ser un agradecemento a Coren , Aceites Abril e Ponte da Boga colaboradores cos seus produtos nesta Xuntanza. Agradecemento a Carlos Parra polo seu ben facer ó fronte da cociña do Castelo de Maceda e por todas as facilidades que nos deu para celebrar esta Xuntanza. E por suposto de agradecemento a todos os bloggers participantes, que sen a súa presenza de nada houberan valido os esforzos de colaboradores, cociñeiro e organizadores. É unha tosta moi sinxela, pero chea de matices e sabores e necesitaremos: Xamón Selecta Coren Aceite de oliva virxe extra Abril Boletus edulis Romeiro Sal Maldón Pan de Cea Maridaxe con Mencía Ponte da Boga Coma primeiro paso procedemos a limpar ben os boletus e cortamos en anacos. Poñemos o aceite de oliva

Espetos de langostinos

Ir á receita en castelán Seguindo a iniciativa de Helena del Valle, do blog Mi puchero , comparto esta receita con #recetasSolidariasParaNavidad . Hoxe vimos cun petisco moi sinxelo e de rápida preparación. Imos a usar como único produto sólido o langostino. Produto este que socializou o uso do marisco nas nosas casas, polo seu custo e polo seu fácil manexo. É corrente velo como produto secundario en arroces, ensaladas, pratos de pasta, con peixes, etc. Pero nesta receita é o produto principal. Mentres poñedes a mesa o petisco faise (se usades a opción do forno). Pois postos no traballo necesitaremos: Langostinos crus Pementón agridoce de La Vera Sal Maldón en escamas Aceite de oliva virxe extra Pelamos os langostinos (xa sabedes que as cabezas e as peladuras, podémolas conxelar para outra preparación) e ensartámolos no espeto. A partir de este momento temos dúas opcións: facelas á prancha ou facelas no forno. Se escollemos a primeira opción farémolas nunha prancha polo

Sopa minestrone con gambas

Ir á receita en castelán Bo día amig@s, aínda que non faga moito frío, nestes días chuviosos xa empezan a apetecer os pratos de culler. Antes de meternos en profundidades contundentes, podemos empezar por unha lixeira sopa, que non por iso menos saborosa. Esta sopa é un prato típico da cociña italiana. É unha tradicional sopa de verduras, á que se lle engade algún tipo de pasta. Neste caso ademais da pasta tamén lle engadín unhas gambas e o resultado é o que vedes. Para comenzar teremos que provernos do seguinte: 100 grs de pasta 1 porro 50 grs de ervellas 1 cenoria 1 cabaciña 1 ceboleta tenra 100 grs de champiñóns laminados 16 gambas 1 lima unhas ramas de pirixel fresco sal e pementa aceite de oliva   Pelamos as gambas. Reservamos as cabezas e as peladuras. Poñemos as colas en maceración con sal, 2 culleradas soperas de aceite de oliva e o zume da lima. Cocemos as cabezas e as peladuras reservadas en 1/2 litro de agua aprox. durante 5 minutos. Mentres, sofritimos nun po

Tosta de mar e monte escabechados

Ir á receita en castelán Hoxe quero buscar nesta tosta unha alianza entre o mar e o monte. O monte aporta uns estupendos boletus, que eu non fun a buscalos, nin me atrevería, foi un agasallo da miña boa amiga Conchi Zúñiga do blog Cocinando setas . Non me equivoco ó recomendarvos que pasedes por il, ides a descubrir un montón de receitas do mas interesantes. E o mar vaime a aportar a xarda, esta veu da pescadería, un dos pescados que mais me gustan por sabor e textura. Xa metidos en faena, precisaremos o seguinte: Para os boletus Boletus edulis Pementa negra en grao Baias de coandro Romeiro fresco Tomiño fresco Loureiro Aceite de oliva Vinagre de viño branco Sal Para a xarda 2 Xardas 1 Cebola 1 Cenaoria 1 Dente de allo 1 Folla de loureiro Tomiño Pementa Aceite de oliva Vinagre de viño branco Sal Pan de Cea Antes de nada dicir que non me esforcei moito a cabeza. O escabeche dos boletus mireino no blog de Conchi e para o da xarda, adaptei un de Pepe Solla

Macarróns gratinados con bacallau

Ir á receita en castelán Hoxe tócalle a quenda ó bacallau. Peixe, que na súa forma de salgadura, é moi popular e consumido en Galicia e Portugal. A súa presenza en fresco agora é habitual a diario, incluso está á venta xa desalgado. Nunha ocasión que me vin apurado, recorrín a el e foi moi ben. Xa vos teño contado que eu son un reconvertido ó bacalao, ó igual que Saulo eu tamén caín do cabalo. Foi isto en Extremadura, xa fai anos, máis concretamente en Villafranca de los Barros. Nunha taberna, o taberneiro sentouse con min á mesa e unha cazola de bacallau en tomate. Díceme: ai che queda, o teu vai a ser como os xudeus conversos. Xa que falamos de La Tierra de Barros, merece a pena ter en consideración os viños emerxentes de Ribera del Guadiana. Zona eminente vitivinícola que aposta pola calidade. Noutro momento falamos de Extremadura, tomates, arroz, porcos, aceite, etc. Ó que imos, para esta receita precisaremos o seguinte: 350 g de macarróns 125 g de ba

Peituga de pavo con prebe de froitos roxos.

Ir á receita en castelán Hoxe imos a meternos con unha carne branca considerada das saudables. O prato que imos a preparar é con unhas humildes peitugas de pavo, as que imos a dar realce cun espléndido prebe que vai a facer un gran conxunto cas peitugas. Posiblemente o prebe merecese unha entrada por si sola, pero estaba tan ben con esta carne, que o post vai en conxunto. Pois para elo necesitaremos: Filetes de pavo Coren (como de 1 cm de grosor) Sal Pementa branca Aceite de oliva 2 chalotas 100 g de manteiga 1 vaso de viño de Porto Froitos roxos (eu usei framboesas e arandeiras) 1 ramiña de tomiño fresco 50 grs de azucre moreno 1vaso de caldo de carne 1 cullerada sopeira de espesante instantáneo. Comenzamos ca elaboración do prebe. Para elo poñemos o lume unha cazola, na que fundiremos a manteiga xunto ca chalota picada. Pochamos durante cinco minutos, engadimos o tomiño e o azucre moreno. Incorporamos o viño de Porto e reducimos á metade

Pementos baby en tempura recheos de morcilla, queixo do país e tomates secos

Ir á receita en castelán O outro día estando a facer a compra, na sección de vexetais, e topeime con uns pementos baby que me estaban a dicir que os levara. E así foi, non sabía moi ben o que ía a facer con eles, pero foron a parar ó carro da compra. Os pementos eran amarelos e vermellos, e viñan envasados baixo o nome de unha coñecida marca que envasa moitos vexetais frescos. Xa con eles na casa e ó abrir a neveira e ver os seus habitantes, dixen: morcilla de Burgos, queixo do país, tomates secos. Mans á obra e para elo imos a precisar (sen medidas, cada quen o seu gusto): Pementos baby Morcilla de Burgos Queixo do país Tomates secos Fariña Auga xeada Sal Pois con todo isto por riba da mesa, comencei por cortar o queixo en anacos, picar os tomates secos e sacar a morcilla da súa pel e picala. Nunha tixola votamos a morcilla picada, a que saltearemos, a continuación incorporamos os tomates picados, damos unhas voltas para mesturar ben ca morcilla, e por último o queix