Ir al contenido principal

Entradas

Mostrando entradas de marzo, 2012

Mexillóns á panadeira e empanadillas de mexillóns

Ir a la receita en castelán Hoxe de rebaixas, dous por un. Cos mesmos ingredientes facemos dúas preparacións. Non vou a destacar aquí as virtudes do mexillón, de todos coñecidas o versátil que é na nosa cociña e un resultado final, que sempre nos deixa quedar ben. Consello de sobra coñecido pero que convén recordar sempre: mexillón roto ou que non abra desfacerse deles. 2 quilos de mexillóns 3 cebolas 1 porro 1 pemento roxo 1 pemento verde 1 cullerada de pemento moido agridoce 2 dentes de allo 3 tomates pan relado 50 grs de touciño Sal e aceite Limpamos ben os mexillóns e quitámoslle as barbas. Poñémolos nunha cazola axeitada sen nada, que se fagan co seu proio líquido. Retiramos unha vez abertos e reservamos caldo da cocción moi ben coado. Fileteamos os dentes de allo e picamos ben as cebolas, o porro e os pementos. Sofritimos ben o conxunto e engadimos o touciño picado en anacos pequenos. Cando comenza a tomar cor, engadimos o pemento moido e mesturamos. Inco

Crema de amorodos e iogur

Ir a receita en castelán Xa facía tempo que non me poñía con unha sobremesa, pois hoxe imos con ela. O outro día vin uns preciosos amorodos, en realidade máis bos de presencia que de sabor. Non imos a usar a cociña nin o forno, todo en cru e necesitaremos: 300 grs de amorodos 3 iogures tipo grego 100 ml de tona líquida 2 culleradas de mel Limpamos os amorodos, (xa sabedes o rabo non se lle quita ata despois de lavados, co fin de que non lle entre auga), partímolos en anacos, reservando algúns para decorar. Trituramos ca batedora e para que resulte máis fino pasámolo polo chino. Póñense os iogures, a tona, a mel e bátese ata lograr unha crema fina. Mestúrase esta crema resultante co puré de amorodos e sérvese en copas individuais. Adornamos con amorodos reservados e un fío de mel. Xa vedes sen complicacións e de bo resultado.  

Xarda o forno con patacas

Ir a receita en castelán Como creo que xa o dixen en algunha outra entrada, a xarda é un dos peixes azuis que máis me gustan. Polo anterior case se deduce que esta receita vai sobre a xarda, unha receita moi simple e na que todo o traballo é da pescantina. Necesitaremos: 1 xarda por comensal cebola patacas sal Maldón aceite Como digo máis arriba, pedímoslle a pescantina que nos abra o peixe, que no lo limpe e que lle saque a espiña. Cortamos as patacas e a cebola en rodelas e facemos unhas patacas panadeira. Unha vez rematadas poñémolas nuha fonte que poda ir o forno, a modo de cama e salgamos. Reservamos. Co fin de non darlle volta no forno, nunha tixola ou prancha poñemos a xarda ca pel contra o lume, deixamos facer ata que se toste. Unha vez no seu punto, pasamos a xarda a fonte, por riba das patacas reservadas, regamos con aceite de oliva e levamos o forno prequecido a 190º. En uns 10 ou 15 minutos está para servir. Como veredes na fotografía, sacrifico esa bonita

Arroz con costela de porco

Ir a receita en castelán Un prato moi sinxelo, tradicional e con un sabor moi bo. Ademais estamos a falar do arroz, xa sabedes unha das comidas que máis me gustan. Imos a precisar: Arroz bomba Costelas de porco Cebola Allo Pemento choriceiro Pemento verde Pemento vermello Mostaza Viño branco Sal e aceite Coma sempre pasamos as costelas por unha tixola con aceite e dourámolas. Mentres nunha cazola pochamos, picadas, a cebola, o allo, o pemento verde e o pemento vermello. Cando as verduras estean no seu punto engadimos a costela dourada. Damos unhas voltas o conxunto e incorporamos o viño branco, deixamos evaporar o alcohol. Salgamos. Cubrimos con auga e botamos dúas culleriñas de carne de pemento choriceiro e unha de mostaza (podedes prescindir da mostaza é unha debilidade miña). Deixamos facer a lume brando. Unha vez rematada a cocción, sacamos as costelas do caldo e reservamos o calor. Nun recipiente axeitado para facer o arroz, botamos aceite de oliva e un all

Pataca, cebola e tomate recheos

Ir a receita en castelán Esta receita tráeme recordos ma miña infancia, unhas patacas recheas que facía a miña avoa e que quitaban o sentido. A miña avoa Estrela era unha gran cociñeira e a pena e que non hai nada escrito do que facía, todo o tiña na cabeza. A verdade é que non me saíron moi malas, paro nada que ver co sabor que recordo. Hai quen di dos sabores non se teñen recordos; eu non estou de acordo. Non vou a dar medidas, soamente ingredientes e o demais vai en función dos comensais. Para este trío de recheos necesitaremos: Patacas Cebolas Tomates Carne picada Bonito Tomate frito Porro Cenorias Allos Pemento verde e vermello  Fariña Leite Mostaza Caldo de carne Viño branco Sal e aceite O primeiro que faremos será facer o oco nas patacas, cebolas e tomates, para iso usaremos unha culler francesa. Facelos con coidado de non romper as paredes. O que sacamos das patacas para unha tortilla, o que sacamos das cebolas para usar na receita (si fixera falla má

Espeto de cocido

Ir a receita en castelán Dado que estamos cos últimos golpes do inverno, estamos tamén con los últimos cocidos da tempada. Como case sempre sobra, as opcións de recuperalo para outra comida son varias, croquetas, roupa vella, empanada, etc. Hoxe vou a ofrecer outra, en espetos e para elo necesitaremos, Chourizo Patacas Touciño Cachucha (neste caso era prensadada) Pemento agridoce de La Vera Aceite de oliva virxe   Dado que todos os ingredientes están xa cociñados con anterioridade, o único que nos queda é montalos, quentar e servir. Para montalos cortamos os ingredientes en dados e pinchamos nos espetos. Para quentar o máis aconsellable sería quentalo no caldo de facer o cocido. Na ausencia de este, pódese dar un golpe de calor no microondas. Para servir espolvorear co pemento, botar con un bo chorreón de aceite de oliva virxe e acompañar con un bo pan. A saborealo.

Bacallao a Vizcaina

Ir a receita en castelán Ola, outra vez por aquí para darlle unha volta a un prato tradicional, da cociña de sempre e para sempre. O elemento principal deste prato é o bacallao, Vai dedicada a todos os ofrecidos o bacallao e tamén os conversos coma min. Para a preparación que nos ocupa, aprovisionamos, para 4 persoas, o seguinte: 1 kilo de bacallao desalgado 3 culleriñas de carne de pemento choriceiro 2 cebolas 1 porro 2 dentes de allo 2 xemas de ovo cocido 3 rebandas de pan frito Améndoas 1 cullerada de fariña Sal e aceite Poñemos o bacallao o lume en auga. No momento que rompe a ferver, retiramos do lume e sacámolo a un prato para deter a cocción. Sacamos as espiñas con coidado de non romper as pezas do bacallao e poñémolo na cazola que vaia a ir o lume. Reservamos unha pouca auga da cocción. Cortamos a cebola en xuliana, picamos o porro e o allo. Facemos ata que a cebola comenza a tomar cor e agregamos a cullerada de fariña, facemos para quitar o sabor a cru da fa

Crema de mazá e xamón

Ir a receita en castelán Que tal amigos blogueiros e público en xeral, aquí estamos xa plantados no mes de marzo, cando aínda estamos a dixerir o último mazapán. Filosofía barata sobre o paso do tempo. Diredes e este tonto que está a falar do tempo, se fixera uns ovos con patacas gañaría máis, e teriades razón. Pero xa vedes hoxe deume por esta teima. Falemos do que nos ocupa: a nosa cociña. Vouvos a falar dunha crema cunha mestura moi especial: a froita e o xamón. Para esta mestura precisaremos (as cantidades dan para 6 pax): 1 bolsa de puré de patacas Maggi 1 bote de leite evaporada Ideal 4 mazás Golden 1 bo codillo de xamón 1 litro de caldo de verduras 6 lonchas de xamón curado 25 grs de manteiga Sal e pementa Cas lonchas de xamón faremos uns crocantes podemos facer de dou xeitos: 1º no forno convencional a 150º uns 20 minutos, ou 2º no microondas entre un minuto e medio ou dous a toda potencia. Pelamos as mazás, descorazonamos, cortamos en gallos e refogamos na