Ir al contenido principal

Entradas

Mostrando entradas de febrero, 2011

Costela de porco con prebe de mel

Hoxe fixo o xantar a miña filla, fixo un prato que eu encadro dentro dos rápidos, fáciles e moi saborosos.
Para facelo utilizou:
Costela de porco cortada en anacos
1 dente de allo
Pemento doce (ou picante)
Mel
Caldo de carne
Sal e pementa

A costela pártese en anacos cada dous osos, ponse na fonte que vai a ir o forno, bótase o allo picado por riba, salpiméntase, engádese o pemento doce e a mel. Báñase co caldo de carne e o forno 30 minutos a 300º.
Unha vez que está feita, resérvanse as costela o quente e redúcese a salsa resultante do asado.
O acompañamento o voso entender, máis unhas patacas chips vanlle moi ben.

Quenefas de bonito e pataca

Faremos hoxe unha sobremesa bastante saborosa. O nome é o de menos, en realidade dámoslle forma dunhas croquetas, máis a masa e outra.
Pídovos desculpas pero fíxenas un pouco o tolo, sen tomar nota dos ingredientes exactos, pero máis ou menos son os seguintes e ademais ca vosa intuición ídelas a levar a bo fin.

1 ovo
1 dente de allo
perexil picado
4 ou 5 patacas pequenas
1/2 lata grande de bonito
Unha apreciación antes da receita, xogade cas patacas e o bonito o voso gusto.
Poñemos a cocer as patacas, deixamos arrefriar un pouco e esmagamos con un garfo, ata obter un puré de patata.
Batemos ben o ovo, engadímoslle o allo e o pirixel picados miúdos.
Incorporamos o bonito desmigado e o puré de patacas. Trátase de obter unha masa cremosa.
Con dúas culleres facemos as quenefas e fritímolas en aceite quente, soamente que collan cor.
Un aperitivo, como dixen o principio saboroso e de fácil execución.

Tarta de ananás

Ola, hoxe imos a darlle a unha sobremesa rápida e fácil de execución.
Necesitaremos os seguintes ingredientes para un molde de 26 cms:
1 bote de ananás grande
1 paquete de sobaos (16 unidades)
1 bolsa de xelatina sabor ananás
1/2 litro de tona
Caramelo líquido

Faremos do seguinte xeito:
Poñeremos no molde un fondo de caramelo, de seguido colocamos a piña e por riba os sobaos.
Mesturamos o xarope do bote da ananás ca xelatina de ananás e isto ca tona.
Ponse esta mestura ó lume máis sen deixar ferver. Bótase por riba dos sobaos e deixase na neveira ata o día seguinte.
Po traballo que da é bastante resultona e de moi bo sabor.

Empanada de lombo de porco con cogomelos

Esta é  a primeira entrada que fago de empanada, tomei a decisión de non poñer os ingredientes da masa. Que cada un a faga ca súa receita ou, incluso, cas láminas de masa fresca de empanadas de La Cocinera, que hoxe é o caso que nos ocupa.
Para apuradas este tipo de masa da uns resultados moi aparentes, xa o sei, resultado non é o mesmo, máis tampouco é tan malo.
Imos a ter a man os seguintes ingredientes:
Masa para empanada ou dos laminas de La Cocinera
200 grs de cogomelos (o gusto)
4 filetes de lombo de porco
200 grs de tomate fritido
2 pementos morróns
2 ovos duros
1 ovo
3 dentes de allo
100 ml de viño branco
Tomiño, ourego, aceite, sal e pementa


Con todo isto facemos do seguinte xeito: misturamos dous dentes de allo co ourego, o tomiño e o viño; deixamos os filetes neste adobo unhas 2 horas.
Limpamos os cogomelos, cortamos e refogamos nunha tixola con un pouco de aceite co o outro dente de allo cortado en láminas, ata que absorban toda a auga; salpimentamos e reservamos.
Secamos os filetes de …

Leite fritida (Pepe Solla)

Outra sobremesa do Sr. Solla, soamente lle podo dicir unha cousa, grazas. Se os anxos rubios existen, o seu parecido gastronómico é esta leite fritida.

Imos a ver os ingredientes para 6 persoas:
Para a masa
1 litro de leite
120 grs de azucre
125 de fariña de millo
1 pau de canela
A pel dun limón
Aceite de xirasol 
Para a fritura
Aceite de girasol
Fariña de trigo
2 ovos
Canela e azucre en po

Para facer a masa fervemos a leite co pau de canela e a pel do limón.
Misturamos a fariña de millo co azucre.
Unha vez fervida a leite, retirámoslle a canela e a pel do limón, incorporamos a mistura da fariña e o azucre. Levamos de novo a ebulición, remexendo constantemente ata que tome textura.
Verter nunha placa untada con aceite de xirasol e deixar arrefriar ata que calle. Recortar da forma que se desexe.
Pasar a leite frita pola fariña de trigo, sacudíndolle o exceso, e polo ovo batido. Deixamos nunha reixa para escoar o exceso de ovo.
Fritir en aceite de xirasol ben quente. Colocar sobre papel 
absorbente e pasar…

Zorza con patacas (Pepe Solla)

Tal como comentara nunha entrada anterior, vou con outra receita de Pepe Solla. Unha receita moi nosa, moi de aquí.
Un prato típico da matanza, que combina cas patacas, co arroz, en empanada, etc.
Pois ben para este prato que nos ocupa imos a usar os seguintes ingredientes:

250 grs de magro de cerdo
100 grs de touciño
Viño branco
Aceite de oliva
2 dentes de allo
sal grosa
Pemento doce e picante
2 patacas

Picamos o magro e o touciño en tacos de medio cm., aliñamos co resto dos ingredientes. Remexemos cas mans, como si de unha masa se tratase.
Deixamola macerando en frío unhas 18 horas.
No momento de servir dourar a zorza nunha tixola antiadherente, procurando que o touciño sude un pouco. Poñer a punto de sal.
Eu por motivos prácticos fixen as patacas fervidas, máis a receita de Pepe Solla, di de cortalas en rodelas e poñelas a fritir partindo do aceite frío. Dourar e retirar, escoar sobre papel absorbente.
Repartir as patacas polos pratos e poñer a zorza por riba.
Sen comentarios. Comamos coma galegos…

Bacallau fervido con grelos, patacas e ovos

Imos a facer un dos peixes que, posiblemente, para nos e para o noso país veciño, teña máis predicamento nas mesas: o bacallau.
Faremos unha preparación moi sinxela, sen complicacións.

Necesitaremos para 4 persoas:
4 postas de bacallu desalgado
4 patacas medianas-grandes
4 ovos
1 lata de grelos de A Rosaleira ou frescos en cociñados
2 dentes de allos
Aceite e sal Maldon

Cocemos as patacas e os ovos. Escoamos os grelos ben de auga. Poñemos o bacallau en auga e cando rompa a ferver, retiramos do lume e deixamos dentro da auga para que se faga co calor residual.
Mentres fileteamos os allos, botamos nunha tixola con un pouco de aceite, engadimos os grelos e salteamos.
Para o servicio, facemos un fondo de grelos, por un lado unha ringleira de ovo en rodelas, pola outra de patacas; salgamos e regamos con un bo aceite.
Co bacallau xa escoado, poñémolo por riba dos grelos. Salgamos o bacallau e botámoslle aceite.
Sinxelo, rápido e xantar moi noso. Comamos coma galegos.

Falda o forno con patacas

Hoxe imos con unha receita "roubada" do blog de La Cocina de la Lechuza, con permiso Pilar, de este xeito dámoslle un pouco máis de publicidade, o prato mereceo.

Usaremos coma ingredientes os seguintes:

2 kgs de falda de tenreira
4 patacas medianas
1 cebola
1 porro (a parte branca)
2 cenorias
2 dentes de allo
perexil
1 vaso de brandy

Facemos un adobo cos allos, sal e o perexil. Adobamos a carne e reservamos un par de horas.
Picamos a cebola en plumas, o porro e as cenorias en rodelas e poñemos nunha fonte de forno coma base da carne. Salpimentamos.
Poñemos por riba das verduras a carne, regamos con aceite
e metemos no forno, prequecido a 190º, uns 10 minutos. Xa sabedes que os tempos do forno dependen do que cada quen teña.
Pasado este tempo, regamos co vaso de brandy e deixamos que siga uns 20 minutos máis.
Mentres a carne está no forno, pelaremos as patacas e faremos unhas bolas, as que lle daremos un pequeno fervor.
Escoamos e reservamos.
Trasncurridos os 20 minutos da carne, incorporamo…

Filloas (Pepe Solla)

Ir á receita en castelán

Esta é a primeira entrada que fago, de unha serie de receitas do mestre da cociña, Pepe Solla. Estas receitas irán identificadas co nome do cociñeiro de seguido do nome da receita.
Penso que é o exemplo claro da innovación, máis sen esquecer a tradición aprendida.
Forma parte do Grupo Nove. Grupo que segundo as súas palabras, "Dende o Grupo nove emprendemos a nosa particular revolución gastronómica".
"Prescindo das cousas innecesarias para darlle alma ós pratos".
"A cociña, antes que cuestión de tempos, é de temperaturas". 

Pois entón imos ca sobremesa que nos ocupa, as filloas. Sobremesa galega por excelencia.
Necesitaremos:
100 grs de fariña
3 ovos
500 ml de leite
50 grs de manteiga
25 grs de azucre
2 grs de sal

Batemos todos os ingredientes salvo a manteiga, que se engadirá fundida ó final.
Escoamos por un chino.

Quentamos unha tixola antiadherente e sobre esta imos votando un caciño de masa (eu entre filloa e filloa pasáballe á tixola un garf…

¡¡¡FALTA DE PROFESIONALIDADE!!!

O que nos pasou en moitos anos nas Xornadas do Xantar, pasounos hoxe, xunto con unhas compañeiras do traballo, fun a xantar ó Xantar (valga a redundancia). De véspera chamamos o restaurante escollido e reservamos para as tres e vinte, repetinlle a hora por se non quedase clara.
Hoxe a hora convida presentámonos no sitio, ca sorpresa de que estaba todo cheo e xente a esperar. Indícolle que fixéramos unha reserva, e contestounos que xa estaban a levantarse os dunha mesa. Eu non vin a ninguén na sobremesa, todo o mundo estaba co prato principal. Despois de esperar 20 minutos, diríxome o propietario e dígolle que non me parece moi serio, nun xesto de "profesionalidade" cara o público, alporízase e dime que na súa casa fai o que lle da a gana e que agora a pesares da reserva non nos vai a dar de xantar, dígolle que non e profesional e ademais que é un sinvergonza. Eu din a volta disposto a buscar onde xantar noutro sitio, mentres tanto este individuo increpou e insultou a miñas co…