Ir al contenido principal

Entradas

Mostrando entradas de octubre, 2015

Ensalada atempada de garavanzos e polbo en conserva

Ir á receita en castelán

250 grs de garavanzos cocidos1 lata de polbo en conseva1/2 cebolaAceite de olivaPementón agridoce de la VeraCominoVinagre de Jerez 






Hoxe imos a usar unha conserva que non é moi normal que consumamos en Galiza. As razóns coido que son obvias. De todos os xeitos, é unha conserva que podemos ter sempre a mao e que nos pode sacar de un apuro. Cortamos a cebola en plumas e poñemos nun bol, salgamos e cubrimos con auga fría. Os cinco minutos poñemos a escoar. O que conseguiremos es sacarlle a dureza e facela máis agradable.Poñemos os garavanzos nun bol, engadimos o pementón, o comino e regamos co aceite de oliva. Deixamos macerar uns 10 minutos.Levamos unha tixola ó lume e en canto comence a ter calor, botamos os garavanzos que tiñamos macerando. Damos unhas voltas durante un par de minutos e engadimos o polbo en conserva. Remexemos un par de minutos para que se integren os sabores.Servimos atempado e mesturado ca cebola en cru. Vainos a dar o toque crocante.Estes tipos…

Risotto de cogomelos e xamón ibérico

Ir á receita en castelán



300 grs de arroz arboríoChampiñónsBoletusXamón ibérico1 ceboleta2 dentes de alloQueixo parmesanoManteigaCaldo de poloCoñacAceite de olivaPementa e sal
Hoxe imos a meternos cun prato que vai de acordo ca estación do outono e cos froitos que o campo nos da nestas datas. Eu usei champiñóns e boletus nas cantidades que tiña. A proporción queda no voso gusto, así como o usar algún outro tipo de cogomelo. En canto ó tipo de arroz, os máis indicados son o arborío e o carnaroli. No caso de non telo a man, un bo arroz bomba vai que nin pintado. Limpamos os cogomelos cun pano húmido. Separamos o pe do sombreiro e cortamos estes en anacos.Levamos a ebulición o caldo de polo, engadimos os pes dos cogomelos e algún resto dos sombreiros rotos. Poñemos a lume medio e deixamos facer uns 20 minutos. Escoamos e reservamos.Picamos a ceboleta e poñemos a pochar cun par de culleradas de aceite e unha noz de manteiga.Engadimos o allo que saltearemos uns minutos e deseguido os cogomelos.…

Bacallau sobre espinacas crocantes e perlas de aceite

Ir á receita en castelán

1 lombo de bacallauFollas de espinacas babyPementa negraPo de trompeta da morte (opcional)Aceite de oliva virxePementón agridoce de la VeraPerlas de aceite La Chinata




A receita de hoxe volve a voltas co bacallau envasado ó baleiro e cocido a baixa temperatura, quédalle unha textura que me ten enamorado. Nesta ocasión para mollar o pementón, uso unhas perlas de aceite que nos ofrece Oleotéca La Chinata Ourense e que ademais de vistosidade, vai a darnos un estupendo sabor. Podemos deixar o bacallau envasado do día anterior, aliñando a bolsa cunha pouca pementa negra, po de trompeta da morte e un chorriño de aceite de oliva virxe. Facemos o vacío e deixamos na neveira.Poñemos a cocer o bacallau, segundo se indica na receita de Bacallau ó vacío, que verás pinchando no enlace.Mentres se fai o bacallau, botamos as follas de espinaca en aceite quente. Estamos pendentes de dar a volta, para que non se nos queimen, queremos conservar a cor verde. Pasamos a un prato con pap…

Guiso de peixe sapo

Ir á receita en castelán
600 grs de peixe sapo4 patacas medianas1 porro1 penca de apio (opcional)1/2 cebola3 dentes de allo negro 1 cullerada de polpa de pemento choriceiroCaldo de peixeAceite, sal e pementa



Estamos diante dun guiso eminentemente mariñeiro, diante dun marmitako de peixe sapo. Cando falamos de marmitako, deseguido o asociamos co bonito, pero na súa orixe era ese guiso mariñeiro que se facía nos barcos de faena e que levaba o peixe que se collera no momento. Como vedes nos ingredientes traio a miña cociña o allo negro por primeira vez. De sabor lixeiramente doce e máis dixestivo co allo normal. Tamén me permito a licencia de introducir o apio (opcional) no guiso. Vaille a aportar ese toque especial que da este vexetal e que a min non me disgustou. Preparamos o peixe sapo e cortamos en anacos. Reservamos.Picamos a cebola, o porro, o allo en láminas, o apio e cortamos as patacas, triscando na parte final do corte para que o amidón que solta nos engorde o prebe.Poñemos aceite nu…

Ensalada de pementos e lombos de bonito en aceite

Ir á receita en castelán




PanLombos de bonito en aceite La ChinataQueixo curadoPemento vermelloCeboletaAlloAceite con guindilla La Chinata (opcional)Sal e pementa


Da receita anterior sobroume un dos lombos de bonito e aproveiteino para facer esta tosta, penso que moi clásica. Quen de nos non combinou o bonito en conserva con pemento vermello. Pois ben aquí está de novo. Asamos os pementos no forno. Ó sacalos tapamos con papel uns 15 minutos, pelamos e sacamos o pedúnculo e as sementes. Reservamos co seu zume de cocción.Cortamos os pementos en tiras, picamos a ceboleta e o allo. Nun bol mesturamos a ceboleta, o allo e o pemento co seu zune. Aliñamos con sal, pementa e o aceite picante (opcional, podedes usar un oliva virxe normal). Se é posible, faremos esta mestura o día anterior e deixamos na neveira que se mesturen ben os sabores.Cortamos unhas rebandas de pan e tostamos no forno, arrancando de forno frío e 5/6 minutos a 200º.Sobre a rebanda de pan poñemos unha base de ensalada de pement…

Tartar de lombos de bonito en aceite

Ir á receita en castelán
1 bote de lombos de bonito La Chinata1 ceboleta3 pepinillos en vinagre350 grs de pepinoMostazaMaionesaCaviar de arenque






Seguimos a facer receitas con conservas e a disfrutar da súa versatilidade. Estas receitas son un pouco máis elaboradas, pero de ningún xeito complicadas. Na receita de hoxe imos a usar un dos produtos en conserva que nos ofrece La Chinata, dentro de esa extensa gama de boas opcións que temos na súa tenda de Ourense: lombos de bonito en aceite. Sacamos os lombos de bonito e poñemos a escoar. Que solte o máximo de aceite.Cortamos a ceboleta e os pepinillos en vinagre, en dados pequenos.Collemos os lombos escoados e picamos tamén en dados pequenos. Nun bol mesturamos a ceboleta, os pepinillos en vinagre, os lombos de bonito, a mostaza e a maionesa. Un par de aclaracións: dado o sabor tan particular da mostaza, no poño medidas e que cada un faga a mestura segundo o seu gusto. A mestura non debe de quedar moi untuosa, o protagonista é o tartar, non …

Berberechos ó pementón de La Vera

Ir á receita en castelán

BerberechosPementón agridoce de La VeraAceite de oliva virxe extra 









Hoxe ó ir á pescadería, non ía ca idea de traer berberechos, pero estaban alí mirando para min e ademais eran dos gordos. Que non me quedou outro remedio que mételos no carro. Como xa temos comentado noutras ocasións, case sempre no sinxelo está a excelencia. Poñemos os berberechos en auga con sal, un par de horas antes para que limpen a terra que poidan traer (60 grs. de sal por litro de auga).Sacamos da auga e pasamos, de xeito lixeiro, polo chorro de auga fría.Poñemos nun cazo cun fondo de auga, levamos ó lume e deixamos que abran ó vapor. Segundo van abrindo imos retirando do cazo.Botamos o pementón por riba dos berberechos e regamos cun fío de aceite.Sen perder un segundo, directos á mesa para que non arrefríen.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños: No correo:��…