Ir á receita en castelán
- Restos de cocido
- 800 ml de leite enteira
- 200 ml de caldo do cocido
- 100 grs de manteiga
- 100 grs de fariña
- Pementón agridoce de La Vera
- 1/2 cebola
- Sal
- Pementa branca
- Noz moscada
Cando facemos cocido, sempre sobra e temos varios xeitos de aproveitalo, volver a tomalo tal cual outra vez, en empanada, roupa vella, tamén neste blog e outra é en croquetas. Posiblemente sexan unhas das croquetas máis saborosas (vai ser complicado decidir) e galegas do mundo.
Como veredes na foto fíxenas cadradas, en ningún lado dice que teñan que ser redondas. Cas medidas da receita, van a saír entre 35/40 croquetas normais.
- Comenzamos picando o compango que imos a usar (neste caso era morro, chourizo, carne de tenreira e o magro do touciño). Da máis traballo, pero penso que o debemos picar a coitelo.
- Nunha tixola con un pouco de aceite, poñemos a pochar a cebola picada fina. Non debería chegar a tomar cor, polo menos a min non me gusta.
- Cando a cebola está no seu punto, engadimos as carnes picadas. Damos unhas voltas e neste momento incorporamos un pouco de pementón (opcional). Mesturamos e reservamos.
- Poñemos a leite e o caldo ó lume, para que estén quentes cando os vaiamos a usar.
- Para preparar o roux, poñemos un cazo ó lume ca manteiga e cando estea derretida, incorporamos a fariña (peneirada) toda xunta. Cunhas varillas remexemos e veremos que a fariña colle unha lixeira cor marrón. Este é un dos puntos críticos da bechamel, debe de cocerse ben, para que non saiban as croquetas a fariña, pero non debe queimarse. Xa veredes que toma un aspecto cremoso (uns dous ou tres minutos chegarán). Separamos do lume e deixamos que perda un pouco de temperatura (isto nos facilitará que non se fagan grumos).
- Cando o roux está atemperado, levamos de novo ó lume e vamos incorporando os líquidos e dúas ou tres veces, remexendo ben para que non se nos formen grumos. Salpimentamos e botamos noz moscada.
- Cando a nosa bechamel está lisa incorporamos as carnes reservadas e seguimos a dar voltas, mesturando todo ben.
- Os 12 ou 15 minutos a nosa bechamel debería de estar lista. Ídelo a notar en que cando remexedes, veredes que se separa das paredes do cazo.
- Botamos a masa nunha fonte e cubrimos con film transparente en contacto ca masa, para que non colla costra. Á neveira ata o día seguinte.
- Damos forma as croquetas e pasamos por fariña, ovo e pan relado (preferiblemente de grao groso). Fritimos as necesarias e podemos conxelar as restantes (xa rebozadas) para outra ocasión. Recomendo non abrasalas co aceite moi quente, que se vaian dourando pouco a pouco.
Non vos vou a comentar que faredes a delicia dos máis pequenos e grandes tamén. Cun ovo e unhas patacas fritidas van a facernos un gran prato.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito