Pastel de brandada e gambón

Ir á receita en castelán

• 400 grs de bacallau desalgado
• 2 dentes de allo
• Lámina de masa follada
• Gambóns
• Pementón agridoce de La Vera
• Leite quente
• Pirixel
• Noz moscada
• Aceite de oliva

A opción de hoxe para o Nadal, pode ser algo máis que un petisco e formar parte de un primeiro.

Imos a darlle entrada ó bacallau, produto de gran tradición na parte de Ourense que linda ca raia (fronteira con Portugal), onde nos menús de Nadal era típico o polbo e o bacallau con coliflor.

1. Poñemos o forno a prequecer a 180º.
2. Estiramos a lámina de masa follada e formamos porcións cadradas. Pinchamos e poñemos no forno uns 15/20 minutos. Reservamos.
3. Nun cazo con aceite douramos os allos laminados. Cando comenzan a tomar cor retiramos e reservamos.
4. Co mesmo aceite, a lume brando, engadimos o bacallau (secado con papel absorbente) e deixamos facer uns tres minutos. Retiramos do lume e deixamos que remate de facerse co calor residual.
5. Cando o bacallau sexa manipulable, esfaragullamos e, nun morteiro, machacamos cos allos reservados, ata obter unha especie de pasta.
6. Levamos a pasta a un cazo e, a lume brando imos botando unha cullerada de leite quente, remexemos para que absorba e unha de aceite, remexendo para integrar. Imos repetindo a operación ata obter a textura desexada. Posiblemente con tres ciclos vai a chegar. Condimentamos con noz moscada e reservamos.
7. Pelamos os gambóns e salteamos nunha tixola untada en aceite. Retiramos do lume, deixamos que arrefríe un pouco e engadimos un pouco de pementón. Damos un par de voltas.
8. Como os nosos cadrados de masa follada inflaron algo, cos dedos, facemos uns pequenos buratos polo medio (o efecto é que vai a ser algo parecido a un volovan).
9. Montamos o noso prato, poñendo brandada dentro da masa follada, un gambón por riba, pirixel picado e un lixeiro chorro de aceite.

Xa temos un prato de unha estética máis que aceptable e imos a acercar o bacallau, de un xeito distinto, as nosas mesas. Sinxela, económicamente asequible e de un espléndido sabor. 

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:

No correo:     olivarela@hotmail.es

No Facebock: http://www.facebook.com/boproveito