Canelóns vexetarianos

Ir a receita en castelán

Que vos parece se hoxe deixamos a carne e o peixe, e facemos un rico e apetitoso prato de verduras.
Non vos descubro nada novo do beneficiosos que son os vexetais para o noso corpo e ademais, penso que pode ser unha forma de ir introducindo as verduras nos máis cativos, tan pouco inclinados a que se incorporen na súa dieta.
Non vou a poñer cantidades, xa que é moi fácil de calcular en función dos comensais.
Pois entón necesitaremos:

Pasta para canelóns

Cabaciña
Pemento roxo
Porro
Cenoria
Espárragos verdes
Espinacas (para a bechamel)
Queixo relado
Sal e pementa
Bechamel para napar (medidas para un litro)
1 litro de leite
60 grs de manteiga
60 grs de fariña
Pementa branca
Noz moscada
Sal

Pois con todos os ingredientes aprovisionados, comenzamos poñendo o pemento no forno prequentado a 200º con sal e untado en aceite, ata que estea feito.
Deixámolo atempar tapado, pelámolo e cortamos en tiras.
Mentres se fai o pemento, cocemos as placas dos canelóns segundo indicacións do fabricante. Eu uso unhas que non necesitan cocción propiamente dita.
Limpamos os vexetais e cortamos en bastóns a cenoria e a cabaciña.
Escaldamos un par de minutos, os bastóns da cenoria e a cabaciña. Os espárragos (poden ser de bote e non precisan o escaldado) e os porros enteiros.
Escorregamos e cortamos os porros en cuartos o longo.
Tede presente que coincidan aproximadamente para poñer nos canelóns.

Repartimos as verduras nas placas dos canelóns, enrolamos e poñemos nunha fonte que poida ir ó forno. Reservamos.

Lavamos e picamos as espinacas.

Poñemos a manteiga nun cazo e cando torne líquida, incorporamos a fariña que remexeremos, coma un minuto, para sacarlle o sabor a fariña e que se toste un pouco.
Deixamos atempar un pouco o noso roux (fai que non se formen grumos), mentres quecemos o leite.
Levamos novamente o roux ó lume e imos incorporando os poucos o leite quente sen deixar de remexer. Engadimos sal, pementa branca e noz moscada.
Unha vez cocida incorporamos as espinacas picadas, cocemos uns minutos máis e botamos por riba dos canelóns reservados (que cubra ben a pasta pra que non se reseque), agregamos o queixo relado e levamos ó forno prequentado a 180º uns 20 minutos.
Comer quente este estupendo prato de vexetais.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es
No Facebock: http://www.facebook.com/boproveito
        
    
     

Ensalada de sandía e queixo de cabra

Ir a receita en castelán

Como parece que definitivamente se vai a empezar a instalar o bo tempo, empecemos nos tamén a poñer receitas de ensaladas.
As ensaladas, non vos descubro nada novo, son unha estupenda opción de comida fresca, rápida e fácil de preparar e normalmente saudable.
Ca ensalada que vos presento hoxe, pretendo un contraste forte de sabores, non sei se atrevido ou non pero que penso que non vai a haber termos medios, ou me gusta ou non.
Pois para esta ensalada de verao precisaremos:

Sandía

Queixo de cabra fresco
Touciño afumado
Vinagre de Módena
Aceite de oliva virxe extra Gotas de Abril
Ceboliño
Sal e pementa
Prebe Perrins (opcional e moi pouco)

Pois moi sinxelo, cun sacabolas imos facendo unhas bolas de sandía, partimos o queixo en anacos similares ó tamaño das bolas de sandía.
Cortamos o touciño en tiras e salteámolo na tixola, sen aceite, ata que estea crocante.

Nun bol preparamos a nosa vinagreta cunha proporción de 3 a 1, é dicir, 3 partes de aceite Gotas de Abril e unha parte de vinagre de Módena, sal, pementa e si fose do voso gusto un pequeno chorro de prebe Perrins.
Batemos a vinagreta para que emulsione.
No prato, copa ou no que queiramos servila, mesturamos as bolas da sandía, os anacos de queixo, o touciño, que lle vai a dar un toque crocante á ensalada, o ceboliño picado e regamos ca vinagreta reservada.
Lista e a sorprender os vosos comensais.


Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es
No Facebock: http://www.facebook.com/boproveito
     

Torta de limón

Ir a receita en castelán

Na receita de hoxe imos a caer na tentación do doce. Deixamos por uns intres o salgado de lado e facemos unha saborosa torta perfumada e saborizada con limón.
Se lle pomos un pouco de mimo, teremos unha sobremesa estupenda para rematar un bo xantar.
Pois se nos metemos a facela, imos a precisar:


200 grs de galletas tipo María
100 grs de manteiga
1 bote pequeno de leite condensada
3 ovos
A reladura dun limón
2 limóns para o zume (tres se son pequenos)

Teremos xa con anterioridade a manteiga a abrandar fora da neveira.
Trituramos as galletas ata que adquiran unha textura como de area, que mesturaremos ca manteiga.
Temos preparado o molde que vai a ir ó forno, se é metálico podémolo forrar con papel de forno ou aplicar un spray por toda a superficie e que fai que se desmolde bastante facilmente. Se o molde é de silicona, non debería de haber problema de desmoldado.
Sobre o molde iremos pondo a mestura das galletas ca manteiga e iremos presionando para estender a masa ata os bordes.
Metemos no forno a 160º uns 15 minutos.
Batemos as xemas dos tres ovos ca reladura do limón. Reservamos as claras.
Pouco a pouco imos incorporando a leite condensada e despois o zume dos limóns. Integramos ben todos os elementos.

Poñemos a punto de neve as tres claras reservadas e incorporamos a mestura anterior con movementos envolventes e botamos o conxunto sobre a masa de galletas.
Levamos ó forno prequecido a 180º entre 45 e 60 minutos, probando metendo un palillo que saia seco.
Se vemos que se nos vai tostando moito por riba, cubrimos nos últimos minutos con papel de aluminio.
Penso que non é moi complicada esta sobremesa e que vai a resultar moi do agrado dos vosos comensais. 

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es
No Facebock: http://www.facebook.com/boproveito
     
    

Montado de tartar de tomate e sandía con pataca e sardiña en aceite con Gotas de Abril

Ir a receita en castelán

Cando fai uns días tiven coñecemento da xornada que ía a facer Aceites Abril no día de hoxe, 29 de abril, baixo o nome Un día de Abril, pensei en facer un pequeno bocado para esa xornada de #undiadeabril.
O eixe principal da xornada era a presentación en Santiago de o aceite gourmet Gotas de Abril, que a empresa ourensana comercializa.
No evento participaron Daniel Guzmán de Restaurante Nova
na dirección da cata de aceites e Miguel Mosteiro do Restaurante Deleitarte cun showcooking. E casualidades da vida, mentres o estaba a ver estaba preparando o meu tartar e Miguel Mosteiro comenta que un dos bocados vai a facer é con tartar de tomate
Para esta xornada de #undiadeabril, está é a miña humilde aportación, que ademais de Gotas de Abril, imos a usar conservas de Galicia para poñelas en valor e que non sexan soamente un apaño.
Para preparalo precisaremos.

Patacas

1 Tomate rama
100 grs de polpa de sandía
3/4 de cebola morada
1 lata de sardiñas en aceite de oliva
Aceite de oliva virxe extra Gran Selección de Abril
Aceite Gotas de Abril
Sal
Sal en escamas
Pementa negra

Comenzamos poñendo as patacas a cocer en auga e sen pelar e as sacaremos antes da súa cocción total. Deixamos arrefriar e reservamos.
Mentres cocen as patacas picamos fina a polpa da sandía e o tomate sen pel nin sementes. Deixamos que escoen o exceso de auga.
Picamos fina a cebola e mesturamos ca sandía e o tomate. mesturamos e engadimos sal, pementa, unha ou dúas culleradas de aceite Gotas de Abril e a metade do zume de medio limón (isto último queda un pouco ó gusto). Deixamos en repouso para que colla sabor.
Se as patacas xa están en temperatura, pelamos e recortamos para deixalas cadradas. Unha vez dada a forma cortamos en láminas de 1/2 cm. e poñemos a confeitar no aceite Gran Selección de Aceites Abril a baixa temperatura. Deixamos uns 45 minutos aproximadamente. Deben cocerse no aceite non fritir.

Abrimos a lata das sardiñas, escoamos o aceite e con paciencia separamos os lombos, sacamos a espiña e a pel. Reservamos.
Para a montaxe do bocado, poñemos unha lámina de pataca confeitada e salgamos ca sal en escamas, sobre ela o tartar de tomate e sandía e sobre esta cama deitamos o lombo da sardiña.
Se queres podes regar cun fio de aceite Gotas de Abril, pero considero que o aceite que leva é mais que suficiente.
Penso que é un bocado delicado co que imos a desfrutar. 

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es
No Facebock: http://www.facebook.com/boproveito