Ensalada de brotes vinagreta e xoubas en conserva

Ir á receita en castelán

Estamos de novo por aquí, con unha receita das nosas estupendas conservas.

Chega a primavera e con ela días de sol, nos que vai a apetecer un prato fresco e cheo de sabor.

• Xoubas en aceite de oliva
• Brotes de ensalada
• Cebola morada
• Tomate kumato
• Pemento verde
• Pemento roxo
• Ceboliño
• Vinagre
• Aceite de oliva virxe
• Sal

Insisto, novamente, que as conservas dan moito xogo nas nosas mesas e estas fantásticas conservas galegas han de darnos moitas satisfacions. E a maioria das veces sen prender o lume.

Na receita usei tomate kumato, pero pode ser o que mais vos guste. A min gústame o sabor de esta clase de tomate.

1. Picamos finamente todas as verduras.
2. Preparamos unha mestura de aceite e vinagre nunha proporción de tres a un (a que eu fago sempre), ousexa por cada tres culleradas de aceite unha de vinagre. Batemos para emulsionar e botamos sobre as verduras.
3. Deixamos que repouse a vinagreta ó menos dúas horas.
4. Poñemos, no prato un fondo de brotes de ensalada e salgamos. Por riba a vinagreta e rematamos cas xoubas. Regamos por riba co aceite da conserva.

Como vedes rápida e que se pode deixar preparada ata o momento do servizo. Ides a desfrutar de unha saborosa e fresca ensalada.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:

No correo:     olivarela@hotmail.es

No Facebock: http://www.facebook.com/boproveito