Ir al contenido principal

Bacallau Skrei con guiso de fabas e patacas

Ir á receita en castelán
Dende hai unhas semanas e ata finais de abril, temos con nos unha das delicias que nos da o mar: o bacallau Skrei.
Con un peixe tan delicado, non podíamos ter mellor compañeira que a suavidade da Faba Loba Montañas de Trevinca.

  • 2 lombos de bacallau Skrei
  • 150 grs de Faba Loba Montañas de Trevinca
  • 1 cebola
  • 2 cenorias
  • 1 cullerada de prebe de tomate
  • 1 pataca
  • 1 dente de allo
  • Tomiño
  • Caldo de cocer as fabas ou de polo
  • Aceite
  • Pementa e sal
Como na outra receita que fixen con esta faba, para cocela usei a olla de cocción lenta. Aínda que non é imprescindible para a receita, cocín as fabas cun par de manitas de porco, que diu un caldo moi saboroso.
Para os que queirades facer a receita e non teñades ocasión de obter este tipo de faba, podedes sustituila por unhas fabas de La Granja.

  1. Poñemos as fabas 12 horas en remollo.
  2. Pasamos as fabas á olla de cocción lenta, engadimos media cebola en cascos, as dúas cenorias, un chorro de aceite e cubrimos con auga. Deixamos facer durante oito horas en baixa.
  3. Retiramos as fabas e reservamos.
  4. Picamos fina a outra media cebola e sofritimos en dúas culleradas de aceite.
  5. A continuación engadimos o allo e o tomiño. Facemos un minuto e incorporamos o prebe de tomate a sal e a pementa.
  6. Deixamos que se cociñe uns minutos. Mentres pelamos, lavamos e cortamos a pataca en cadrados pequenos.
  7. Engadimos as patacas e mesturamos co sofrito. Cubrimos co caldo e deixamos facer a lume brando.
  8. Cando as patacas lle queden uns cinco minutos, incorporamos as fabas remexemos despazo e deixamos que se remate de facer a lume brando.
  9. Mentres se remata de facer o guiso das patacas e fabas, facemos o bacallau nunha tixola con una cullerada de aceite. Poñemos ca pel para abaixo e deixamos que se faga uns sete ou oito minutos. Damos a volta e deixamos un minuto.
  10. Poñemos unha cama de fabas e patacas, engadimos caldo do guiso e por riba o lombo do bacallau.
Non vos ides a arrepentir de levar esta preparación a vosa mesa. É todo suavidade na boca cunha textura sinxelamente espectacular.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es
 

Etiquetas: