Ir al contenido principal

Bacallau encebolado en prebe de pementos

Ir á receita en castelán
Volvemos de novo co bacallau, ese peixe que tan bo xogo nos da na cociña.

  • 450 grs de bacallau desalgado
  • 2 cebolas
  • 4 patacas
  • Allos tenros
  • 1 pemento roxo
  • 100 grs de pemento roxo asado
  • Caldo de peixe
  • Fariña
  • Aceite
  • Sal
Este prato esta feito con bacallau desalgado, pero na vosa man está usar outro tipo de peixe.
A estas alturas non vos vou a descubrir as bondades deste produto, tan versátil nas nosas cociñas. En empanadas, frito, fervido cunha allada, desfiado con pementón e aceite de oliva, etc.
  1. Cortamos o lombo de bacallau en tacos xenerosos e eliminamos as espiñas.
  2. Trituramos os pementos asados co batedor e emulsionamos cun fío de aceite.
  3. Cortamos a cebola en plumas fina. Sacamos a capa exterior dos allos tenros e cortamos en anacos. Cortamos tamén en tiras o pemento.
  4. Poñemos un fondo de aceite nunha tixola e engadimos a cebola, a lume brando, uns 5 minutos. Engadimos as tiras de pemento.
  5. Cando as verduras estean listas, engadimos a fariña e refogamos xunto cas verduras. Engadimos o caldo, levamos a fervor e engadimos as patacas, que se vaian facendo a lume medio.
  6. Incorporamos o bacallau e deixamos facer uns cinco minutos por cada lado.
  7. Retiramos do lume e deixamos que repouse un par de minutos.
  8. Poñemos na base do prato de servizo un golpe de prebe de pementos, unhas patacas por riba e o anaco de bacallau cos pementos e cebola.
Así sin esforzo e sin complicacións teremos un prato cheo de sabor na nosa mesa.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es