Macarróns con xarrete

Ir á receita en castelán

Este prato de pasta leva unha das carnes que mais me gusta.

Trátase dunha carne de cocción lenta e que resulta moi melosa: o xarrete.

• 300 grs de macarróns
• 200 grs de xarrete
• 1 tomate
• 1 cebola mediana
• 1 dente de allo
• Pemento vermello (ó gusto)
• Pementa negra
• Comino moído
• Prebe de solla
• Aceite de oliva
• Sal
• Queixo parmesano (opcional)

Esta receita foi publicada en Directo al Paladar e confeccionada por Pakus (Futuro Bloguero). Ó ver que usaba esta peza de carne, decidín que eu tiña que facela. E este é o resultado.

1. Cortamos o xarrete en rodelas de un cm. aproximadamente. Picamos un cuarto da cebola e mesturamos con unha cullerada de aceite, dúas de prebe de solla, pementa negra, un belisco de comino moído e sal (ollo que o prebe de solla é salgado). Mesturamos ben e deixamos a carne macerando unha hora mínimo.
2. Mentres picamos o resto da cebola, o dente de allo, o pemento vermello e relamos o tomate. Pochamos as verduras e, cando estean brandas, engadimos o tomate relado. Deixamos evaporar o exceso de líquido e reservamos.
3. Pasado o tempo do adobo, escoamos a carne e pasamos polo lume para douralo. Engadimos auga e deixamos facer a lume brando entre 30/40 minutos. Reservamos o líquido da maceración.
4. Pasado o tempo de cocción, cortamos a carne en tiras finas.
5. Engadimos ó sofrito reservado a carne en tiras, o líquido da maceración e auga da cocción da carne na medida que lle faga falta. Deixamos que se faga uns 20 minutos a lume brando.
6. Cocemos a pasta e mesturamos co prebe preparado.
7. Podedes  engadir queixo relado.

Penso que non podedes deixar de facer a receita, xa que o resultado é espectacular.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:

No correo:     olivarela@hotmail.es

No Facebock: http://www.facebook.com/boproveito