Coello en escabeche con ceboliñas

  Ir á receita en castelán

A carne de coello, para min, é unha das mellores carnes para escabechar. O resultado final resulta máis que agradable e suave.

• 2 zancos de coello
• 1 cenoria
• 3 allos
• 12 ceboliñas
• 1 porro (a parte branca)
• 1/2 cebola morada
• Pementa en grao
• 1 rama de pirixel
• 1 rama de romeiro
• 1 folla de loureiro
• 200 ml de viño branco
• 100 ml de vinagre de mazá (ou o que vos guste)
• 100 ml de aceite de oliva
• Sal, pementa e auga

Non imos a incidir máis, pero recordar o boa que é a carne de coello para colesterol e dietas baixas en graxa.

Eu usei dous zancos, pero pode ser o coello enteiro ou calquera outra parte.

1. Limpamos e cortamos (si usamos un coello enteiro) o coello en anacos. Fritimos no aceite e reservamos.
2. No mesmo aceite refogamos o porro cortado en aros, a cebola morada cortada en plumas, as ceboliñas enteiras, a cenoria cortada en bastóns e os allos sen pelar e cortados á metade. Salgamos e deixamos facer, a lume brando, sen que cheguen a dourarse.
3. Cando as verduras estean brandas, engadimos o vinagre, o viño, o romeiro, o loureiro, o pirixel e os graos de pementa. Damos un fervor, a lume brando, uns cinco minutos.
4. Incorporamos o coello e unha pouca auga para suavizar o sabor forte do vinagre.
5. Tapamos e deixamos facer, a lume brando, uns 30 minutos ca cazola tapada.
6. Deixamos arrefriar e gardamos na mesma cazola.

Servido cas súas propias verduras, en ensalada, nun bocadillo, como queirades vai a estar francamente bo.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:

No correo:     olivarela@hotmail.es

No Facebock: http://www.facebook.com/boproveito