Ir al contenido principal

Raia con grelos e a súa allada

 Ir á receita en castelán

Con esta receita dámoslle unha volta ó clásico galego da caldeirada de raia.
Dicir que os grelos que usei na receita, eran enlatados. Temos a oportunidade de usalos durante todo o ano cas conservas de calidade que temos no mercado.
  • 2 lombos de raia
  • 1 bote de 250 grs de grelos
  • 2 patacas medianas
  • Pan de calidade
  • Aceite de oliva virxe
  • 2 dentes de allo
  • Pementón agridoce de la Vera
  • Unha cullerada de vinagre
Comentarvos que esta receita é de Ana Gago a chef de Casa Pardo, da que non vou a descubrir nada novo nestas liñas.
Ana Gago confeita a raia na allada uns 20 minutos. Neste punto eu permítome unha licencia.
  1. En primeiro lugar imos a preparar a allada. Fileteamos os allos e poñemos en aceite nunha tixola, no momento que empezan a tomar cor os retiramos do aceite e a tixola do lume. Deixamos que baixe un pouco o calor e engadimos o pementón, remexemos de seguido para que se mesture ben e non se queime. Engadimos o vinagre e deixamos repousar, para que os restos do pementón se vaian ó fondo.
  2. Poñemos a cocer as patacas.
  3. Limpamos a raia e desespiñamos. Podedes pedir na peixería que vo lo fagan.
  4. Introducimos os filetes de raia nunha bolsa, salgamos e engadimos unhas culleradas de allada. Facemos o vacío.
  5. Nunha cazola poñemos auga ó lume, non debe pasar de 60/65º. O ideal sería ter un ronner, pero nas nosas casas somos mais artesanais. Usaremos un termómetro para controlar a temperatura e si non o tedes, usade un dedo: ten que estar no límite de que aguantedes o dedo dentro da auga.
  6. Cando a auga está na sua temperatura, introducimos a bolsa e deixamos facer uns 15/20 minutos. Iredes vendo que blanquea e ó calcar nela vai abrandando.
  7. Mentres, salteamos os grelos, que xa teremos escoados, nun pouco de aceite.
  8. Pasado o tempo de cocción, retiramos a raia da bolsa con moito coidado, pois pode que se vos desfaga, xa que vai a tomar unha textura impresionante.
  9. Presentamos poñendo unhas patacas no fondo do prato, por riba uns grelos e coroando a raia. Regamos ca allada e directa para a mesa.
Non a deixedes de probar e usade este tipo de cocción con peixes como o bacallau ou o salmón. Xa veredes como levades unha agradable sorpresa.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es
Etiquetas: