Tosta de bonito en sofrito

 Ir á receita en castelán

• 200 grs de bonito en conserva
• 1 cebola pequena
• 1/2 pemento verde
• 1/2 pemento roxo
• 1 tomate maduro
• 2 dentes de allo
• Pan
• Tomiño
• Ourego
• Pementa negra
• Alfábega
• Viño branco
• Aceite de oliva
• Sal

Xa levaba algún tempo sen poñerme á cociña. Vou con outra preparación fácil e que podemos deixar preparada con antelación. Como vedes, nesta preparación, volvemos a darlle xogo as conservas. Xa vedes que non poden faltar nas despensas das nosas casas.

1. Abrimos a lata do bonito e escoamos o aceite.
2. Picamos a cebola, os allos, os pementos e o tomate sen sementes.
3. Poñemos unha tixola ó lume cun pouco de aceite e engadimos a cebola. Deixamos facer ata que comence a coller cor.
4. Incorporamos o resto das verduras, o ourego, o tomiño, a pementa negra e sal. Os cinco minutos engadimos un vaso de viño branco e deixamos que se evapore o alcohol e se faga o sofrito lentamente.
5. Cando o sofrito está, engadimos o bonito e dúas ou tres follas de alfábega picadas. Remexemos, deixamos facer uns tres minutos e retiramos do lume. Ata este paso, o podemos deixar preparado.
6. Tostamos ou fritimos unhas rebandas de pan e servimos sobre elas o sofrito de bonito reservado.

Xa temos outra estupenda e saborosa preparación para os nosos xantares de verán ou para unha merenda-cea.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:

No correo:     olivarela@hotmail.es
No Facebock: http://www.facebook.com/boproveito