Xarda ó forno con patacas e verduras

 Ir á receita en castelán

• 1 xarda
• 1 pataca mediana
• 1 cebola pequena
• 1/2 pemento roxo
• 2 dentes de allo
• Aceite de oliva
• Sal

Dicirvos, antes de nada, que as medidas que se dan son para unha ración.

Xa temos comentado en outras ocasións que no sinxelo, case sempre está o superior.

Na receita que tratamos hoxe, e na miña modesta opinión, estamos ante esa afirmación. Un pescado barato, unha pataca e unhas verduras, van a facer que teñas diante un dos grandes pratos de peixe.

1. Pedimos na peixería que nos limpen ben a xarda, que lle quiten a espiña central e nos fagan dous lombos.
2. Cortamos as patacas para panadeira, fileteamos os allos (un pouco grosos), cortamos a cebola en plumas e o pemento en tiras. Poñemos o conxunto das patacas e vexetais, nunha tixola con aceite suficiente e deixamos facer moi despazo.
3. Mentres se fan as patacas, retiramos o resto de espiñas pequenas e poñemos nun recipiente que poida ir ó forno. Regamos con aceite e facemos, co forno prequecido, uns 15 minutos a 190º.
4. Salgamos a xarda ó saír do forno e podemos regar cun fío de aceite.
5. No prato de servizo poñemos o lombo nun lado e, no outro, as patacas e as verduras. Salgamos e gozamos de un gran prato.

Non vos comento mais do tema, unicamente o tedes que facer e despois xa me comentaredes.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:

No correo:     olivarela@hotmail.es
No Facebock: http://www.facebook.com/boproveito