Ir á receita en castelán
Imos con outra receita tradicional, de fácil execución, pero unha receita na que todo é sabor.
- 500 grs de xudías verdes
- 3 patacas grandes
- 2 ovos
- Touciño
- 2 dentes de allo
- Pementón agridoce de la Vera
- Aceite
- Sal
Imos con outra receita tradicional, de fácil execución, pero unha receita na que todo é sabor.
Esta receita era un clásico na mesa da nai de Margarita (a miña dona), que lle saían de unha forma espectacular.
A min non me saen mal de todo, pero creo que non chego as dela.
- Pelamos os fíos laterais das xudías, cortamos en anacos, lavamos e poñemos a cocer en auga con sal. O tempo de cocción vai a depender da textura que queirades, ó dente ou máis brandas. Hai que ir probando.
- Noutra cazola poñemos a cocer as patacas con pel e os ovos. Retiraremos os ovos, cando vaian sobre 12 minutos de cocción e deixamos seguir as patacas.
- Pelamos e fileteamos os allos.
- Poñemos unha tixola ó lume cunha xenerosa cantidade de aceite e incorporamos os allos fileteados. No momento que vemos que empezan a tomar color, retiramos os allos e reservamos.
- No mesmo aceite, facemos o touciño que teremos cortado en tiras. Deixamos facer ate que se poñan con ese bonito aspecto de churruscado.
- Retiramos a tixola do lume, deixamos arrefriar uns minutos e botamos unha xenerosa cullerada de pementón (segundo o voso gusto). Remexemos de inmediato para que non se nos queime o pementón. Incorporamos os allos reservados.
- Escoamos ben as xudías e as devolvemos á cazola, engadimos as patacas peladas e en anacos, facemos o mesmo co ovo e regamos todo co refrito.
- Levamos o conxunto o lume brando e damos unhas voltas para que se mesturen ben os sabores. Servir quente.
Servimos unha boa ración en cada prato e regamos co prebe de pementón. Non vos preocupedes se leva exceso de prebe, pois se chafamos as patacas no prebe, van a saber a gloria.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito