Ir al contenido principal

Tortilla paisana

Ir á receita en castelán
  • 2 patacas
  • 4 ovos
  • Cabaciña
  • Cebola
  • Pemento vermello
  • Champiñóns
  • Aceite
  • Sal





Hoxe non tocaba receita, pero á vista dos produtos que me chegaron de El Tomate Tranquilo, un montón de verduras e ovos ecolóxicos, non houbo máis remedio que preparar esta saborosa e zumarenta tortilla.
Dos vexetais non poño cantidades, xa que sodes vos @s que tedes que decidir os que máis vos gustan, sempre tendo en conta a proporción para as dúas patacas e catro ovos.
  1. Picamos miúdas as patacas e as verduras.
  2. Poñemos unha tixola ó lume con aceite.
  3. Deixamos facer as patacas e as verduras a lume brando ate que estean brandas. Vanse a mesturar moi ben todos os sabores.
  4. Batemos os catro ovos e eu teño por costume engadir un pequeno chorro de auga, penso que a fai máis suave e zumarenta.
  5. Escoamos ben de aceite as patacas e verduras. Mesturamos cos ovos.
  6. Botamos o conxunto nunha tixola co fondo manchado de aceite e callamos polos dous lados.
Poucas palabras máis, soamente levar á mesa e comprobar o intenso sabor de estas verduras e ovos ecolóxicos.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es