Guiso de chocos da Ría con patacas

Ir á receita en castelán

• 1 quilo de choco limpo
• 4 ou 5 patacas
• 1/2 cebola
• 1/2 pemento vermello
• 1/2 pemento verde
• 1 copa de viño branco
• 1 dente de allo
• 3 culleradas de prebe de tomate
• Caldo de peixe
• Pementón agridoce
• Aceite de oliva
• Sal 

Hoxe imos cun prato tremendamente mariñeiro, onde o sabor da Ría trasládase ó prato.

O choco é a popular sepia ou jibia, un cefalópodo moi apreciado e con gran sabor, que ten a súa referencia na poboación galega de Redondela.

Unha das mellores preparacións da zona é a empanada de chocos na súa tinta, realmente impresionante.

1. Nunha cazola axeitada, pochamos as verduras picadas.
2. Cando as verduras alcanzan o seu punto, engadimos o pementón e remollamos co viño branco. Deixamos evaporar o alcohol.
3. Engadimos o prebe de tomate (damos un par de voltas) e de seguido o choco cortado en anacos de bocado. Mesturamos ben cas verduras, cubrimos co caldo de peixe e deixamos facer a lume moderado sobre uns 15 minutos.
4. ¡PUNTO CRÍTICO! é importante ser bastante escrupulosos co tempo de cocción, xa que se nos pasamos quedaría duro o choco.
   
5. Pasados os 15 minutos engadimos as patacas triscadas no último momento do corte, para que nos axuden a engordar o caldo.
6. Deixamos cocer uns 20 minutos (se fixera falla algo máis de caldo incorporar), comprobamos as patacas e deixamos repousar uns minutos tapado antes de servir.
7. Imos a servilo en prato sopeiro, pois imos a facer deste guiso un prato de culler.

Sabor da nosa Ría en cada cullerada que vos ides a levar á boca. Eso si un bo pan imprescindible.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:

No correo:     olivarela@hotmail.es

No Facebock: http://www.facebook.com/boproveito