Ir á receita en castelán
Cando no mes de xuño pechei a miña cociña por vacacións, quedei en débeda cos amigos de Pereira Productos del Mar.
- Vieira conxelada Pereira
- Sofrito conxelado Pereira
- Xamón serrano
- Aceite de oliva virxe
- Pementa negra
- Sal en escamas
Cando no mes de xuño pechei a miña cociña por vacacións, quedei en débeda cos amigos de Pereira Productos del Mar.
Pois ben, imos a saldar esa débeda cunha primeira receita na que imos a usar: unhas estupendas vieiras e o preparado que comercializan para o sofrito. Moito tempo nos aforra o ter todo picado.
É a típica vieira con sofrito, xamón, vieira e o seu coral. O que imos a variar é a presentación, pois non podía esconder esa espléndida vieira. Ten que ser a protagonista.
- Poñemos a desconxelar as vieiras o día anterior.
- Separamos o corpo da vieira do coral e trituramos este último con aceite, sal e un belisco de pementa, ate conseguir unha textura similar á maionesa.
- Entre dous papeis de cociña, poñemos o xamón e levamos dous minutos ó microondas. Deixamos que enfríe.
- Pasamos, polo lume suave, a cantidade necesaria de preparado de sofrito (cebola, allo, pemento verde e roxo e tomate).
- Escoamos ben o sofrito e poñemos no vaso do batedor. Trituramos, pero imos a deixar unha textura con uns mínimos tropezóns.
- Pasamos os corpos das vieiras pola parrilla untada en aceite, un par de minutos por cada lado. Salgamos.
- Para a presentación, poñemos un fondo de sofrito triturado, sobre este a vieira, acompañamos cuns montonciños de maionesa de coral e do xamón crocante desfeito.
- Para a degustación, collemos un montonciño de maionesa e un anaco de vieira con sofrito e xamón.
Como vedes imos a darlle un toque de orixinalidade a nosa vieira de toda a vida.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito