Pescada con patacas e pementos

Ir á receita en castelán

• 2 lombos de pescada
• 2 patacas
• 1/2 pemento roxo
• 1 cebola
• 6 allos tenros
• Sal
• Sal ó pementón
• Pementa negra
• Aceite de oliva

A verdade é que xa me está a empezar a asustar a ausencia de carne no blog.

Digo isto, xa que como vedes, volvemos ó mar. Nesta ocasión volvemos ó mar en forma de pescada.

A pescada é un peixe branco, polo tanto libre de graxas, que neste momento está na súa tempada, que vai dos meses de abril a xullo. É un dos peixes máis consumido por los españois, moi apto para dietas e prácticamente libre de colesterol.

1. Pelamos as patacas e cortamos en rodelas, como para panadeira.
2. Cortamos a cebola en plumas, o pemento en tiras pequenas e os allos tenros en dous (segundo tamaño).
3. Poñemos unha tixola ó lume con aceite de oliva cando sirva o aceite, incorporamos as patacas xunto cas verduras.
4. Baixamos a lume medio e deixamos facer o conxunto lentamente. Tede en conta que aínda van a ir ó forno, polo tanto convén retiralas antes de que estean no seu punto.
5. Prequecemos o forno a 190º e nunha fonte poñemos unha cama de patacas cas verduras e salgamos. Por riba das patacas colocamos os dous lombos de pescada e regamos cun pouco aceite de fritir as patacas.
   
6. Levamos ó forno e en función de como vos guste de pasado imos a oscilar entre os 12/15 minutos.
7. Presentamos cunha base de patacas e verduras e o lombo de pescada por riba. Adornamos cunhas escamas de sal ó pementón e mollamos cun par de culleradas de aceite da preparación.

Xa veredes que este prato vai a ser todo un éxito na vosa mesa. Un clásico de sempre.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:

No correo:     olivarela@hotmail.es

No Facebock: http://www.facebook.com/boproveito