Ir á receita en castelán
- Arroz bomba
- Lacón (asado ou cocido)
- Chourizo cocido
- Cebola
- Porro
- Allo
- Pemento roxo
- Caldo de polo
- Viño branco
- Pirixel
- Pementón agridoce de la Vera
- Aceite de oliva
- Sal
Esta é unha desas receitas de aproveitamento, que temos que ter sempre moi presentes na nosa cociña.
Esta receita ven ó blog, da man de Vero Novoa, do blog A'Punto, que publicou o outro día unha receita de arroz con codillo.
Non a executo exactamente igual, pero deume a idea para sacar do conxelador lacón e chourizo que tiña en espera.
- Se ides a incorporar o chourizo desde cru, o meu consello é o de darlle un previo cocido para desgraxalo.
- Picamos fino a cebola, o porro, o pemento e o allo.
- Nunha cazola, cun fondo de aceite, poñemos a pochar as verduras. Cando estean no seu punto, incorporamos un golpe de viño e deixamos evaporar o alcohol.
- Mentres se fan as verduras, picamos o lacón e o chourizo.
- Agregamos o lacón e chourizo picados e remexemos, para a continuación incorporar o arroz. Damos unhas voltas para que se integren ben todos os ingredientes.
- Engadimos ó pementón o gusto e cubrimos co caldo de polo quente. Deixamos facer.
- Cando estea o arroz no seu punto, retiramos do lume e deixamos repousar, tapado, uns cinco minutos.
- Servimos cun pouco de pirixel toscamente picado e adornamos cun belisco de pementón.
Que me decides, que non nos enteremos que nas nosas cociñas se tira algo.
Gracias Vero Novoa pola receita.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito