Ir á receita en castelán
- 12 volandeiras
- 1 cebola pequena
- 1 porro
- 1 dente de allo
- 1 tomate
- Pementón agridoce de la Vera
- Touciño
- Pirixel
- Aceite de oliva
- Sal e pementa
Antes de comenzar a receita, comentarvos que durante unha tempada non vou a publicar regularmente, como viña facendo. Irán aparecendo receitas, na medida que vaia podendo. Sei que seredes comprensivos.
Xa metidos na receita, imos cun marisco de cuncha: as volandeiras.
As volandeiras son semellantes as zamburiñas, ainda que dunha calidade un pouco inferior. Dito o anterior, dicir que as volandeiras son un produto, tamén de calidade.
Cando vexades nos bares zamburiñas, case con toda seguridade que sexan volandeiras. Esta afirmación é por simple sentido común, a extracción de zamburiñas é unhas cen mil veces menor que as volandeiras. Deberían de ser honestos e poñer a verdade nas súas cartas.
Podedes ver estas dúas diferencias, de xeito rápido, entre as zamburiñas e as volandeiras:
- O color da cuncha das zamburiñas é escura tirando a tons violáceos. As volandeiras son claras cor castaño.
- Esa especie de aleta das cunchas, nas zamburiñas falta unha delas. Nas volandeiras a pesar de non ser simétricas, ten as dúas.
Ben, pos imos con esta receita de festa.
- Seguramente compraredes as volandeiras xa evisceradas (de non ser así, hai que eliminarlle completamente a parte estomacal que rodea a carne). As pasades por auga e reservades a parte da cuncha.
- Para o touciño, teremos dúas lonchas cortadas moi finas e outra un pouco máis grosa. Poñemos as lonchas finas entre dúas follas de papel de cociña e levamos ó microondas. Imos facendo de minuto en minuto (imos observando) para que nos quede crocante. Seguramente con tres minutos será máis que suficiente. Reservamos.
- Cortamos a loncha grosa do touciño en pequenos dados. Facemos o mesmo co porro, a cebola e o allo.
- Poñemos os dados de touciño a sofritir nunha tixola. Engadimos as verduras e deixamos facer a lume brando.
- Mentres pelamos o tomate, limpamos de sementes e cortamos finamente.
- Prequecemos o forno a 200º.
- Cando as verduras están pochadas, engadimos o tomate e deixamos facer lentamente o sofrito.
- Colocamos as cunchas das volandeiras nunha fonte de forno, poñemos un pouco de sofrito no fondo, por riba a volandeira salpimentada e regamos cun fío de aceite. Levamos ó forno 3/4 minutos.
- Poñemos as volandeiras no prato de servizo e engadimos pirixel picado e o touciño crocante. Listo.
Xa tedes listo un rico prato de entrante para un xantar de festa.
Dicirvos que esta receita serve perfectamente para unhas vieiras. Neste caso é conveniente saltear as vieiras antes de ir ó forno.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito