Ir á receita en castelán
- Patacas
- Olivas verdes
- Ovo
- Bonito en aceite
- Manteiga
- Fariña
- Ovo (para o rebozado)
- Pan relado
- Sal e aceite de oliva
Hoxe estamos nun deses días intermedios que hai cando a troula se prolonga no tempo.
Pois ben hoxe é luns de Entroido e é un día para facer un descanso gastronómico, xa que mañá volve a tocar cocido. Como xa tocou nos días anteriores.
Imos con algo lixeiro, sinxelo e que non sei si chamar bolas de pataca ou ensaladilla frita.
- Poñemos a cocer as patacas e o ovo.
- Mentres picamos as olivas verdes (sede xeneros@s) e desfacemos o bonito.
- Pasamos o ovo (unha vez cocido) por auga fría. Pelamos, picamos e mesturamos cas olivas e o bonito.
- Cando estean cocidas as patacas, escoamos ben e pasamos polo pasa purés. Engadimos sal e unha pouca de manteiga. Remexemos para facer una masa fina.
- Incorporamos o bonito, as olivas e o ovo á masa. Remexemos todo ben para que se reparta uniformemente.
- Deixamos arrefriar e facemos bolas cas mans. Pasamos por fariña, ovo batido e pan relado.
- Fritimos en aceite ata que collan unha bonita cor dourada. Pasamos a un prato con papel absorbente.
Podemos levalas á mesa acompañadas de un ovo frito e con algún prebe: de tomate, maionesa, ali-oli, etc.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito