Ir al contenido principal

Pescada cocida con patacas e coliflor

Ir á receita en castelán

  • Pescada fresca do pincho
  • Patacas 
  • Coliflor
  • 1/2 Porro
  • 2 dentes de allo
  • 1/2 limón
  • 2 ramas de pirixel
  • 1/2 cebola
  • Pementón agridoce de La Vera
  • Aceite de oliva
  • Sal


A receita anterior era de mar e nesta imos a seguir polo mesmo camiño. Faremos unha receita moi galega e moi sinxela na súa execución. Incorporo nesta versión, unha verdura que é típica co bacallau: a coliflor.
A miña recomendación é preparala  cunha boa pescada do pincho, fago unhas pequenas consideracións sobre esta pescada. A pescada do pincho é sinal de identidade do Porto de Celeiro que apostou por un produto de calidade e tratado con mimo. Esta pescada é capturada nas frías augas de o Gran Sol, pescada peza a peza e nunca cun peso inferior a 1,200 kgs.
A pescada do pincho "Gran Sol" ten o selo de garantía "Galicia Calidade".
  1. Preparamos un caldo corto co medio porro, a media cebola, o medio limón e o pirixel. Deixamos facer uns 20 minutos, opcional incorporar unha cullerada de aceite de oliva.
  2. Para preparar a allada (este é o meu xeito), poñemos aceite nunha tixola e incorporamos os allos cortados en laminas, imos a facer uns chips de allo. No momento que os allos comenzan a tomar color, retiramos do lume e reservamos os chips de allo fora do aceite, que xa leva o seu sabor. Deixamos arrefriar un pouco o aceite e engadimos o pementón. Remexemos ben e pasamos a un recipiente para que os residuos do pementón se vaian ó fondo e nos quede o aceite con esa bonita cor roxa.
  3. Cocemos as patacas, a coliflor e reservamos quentes.
  4. Levamos o caldo ó lume (sen as verduras) e introducimos as rodas de pescada. Dende o momento que ferve, deixamos facer uns cinco minutos. Retiramos do lume e deixamos no caldo outros cinco para que se remate de facer co calor residente.
  5. Preparamos no prato de servizo as patacas, a coliflor e a nosa pescada. Repartimos os chips de allo polo prato e salseamos co aceite de pementón que temos reservado.
Ides a ter un gran prato cun gran produto e que os chips de allo aportan o toque crocante que tanto nos gusta.


Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es
No Facebock: http://www.facebook.com/boproveito



Etiquetas: