Ir al contenido principal

Luras guisadas con langostinos e patacas

Ir á receita en castelán 

  • 1,200 kgs de luras da ría
  • Langostinos
  • 3 ou 4 patacas
  • 2 Cenoria
  • 2 Porro
  • 1 Cebola
  • 1/2 pemento verde
  • 2 allos
  • 1 vaso de viño branco Ribeiro
  • Prebe de tomate
  • Caldo de peixe
  • Aceite de oliva
  • Sal e pementa 

Posiblemente os guisos de luras sexan dos máis saborosos que se poden facer, que imos a completar con un puñado de langostinos e unhas patacas cocidas.
Como consello e si a nosa economía o permite, lura da ría sen dúbida ningunha. De non poder ser, con luras foráneas tamén nos vai a saír un saboroso guiso.
  1. Pelamos os langostinos e reservamos os corpos.
  2. Para facer o caldo, poñemos nunha cazola un fondo de aceite, pochamos un porro e unha cenoria cortados en rodelas. Engadimos as cabezas e peladuras dos langostinos. Damos unhas voltas pisando as cabezas para que solten o zume. Cubrimos de auga e si temos algunha cabeza de merluza ou rape, é o momento de incorporala. Salpimentamos e deixamos facer unha media hora. Escoamos e reservamos.
  3. Limpamos ben as luras e cortamos en anacos.
  4. Picamos as verduras, poñemos a lume brando e deixamos facer lentamente.
  5. Cando as verduras estean no seu punto, engadimos as luras e refogamos todo xunto, deixando que se mesturen ben os sabores.
  6. Engadimos o viño branco e deixamos reducir ben o alcohol.
  7. De seguido agregamos o prebe de tomate, damos unhas voltas e cubrimos co caldo de peixe reservado.
  8. Deixamos facer ata que as luras estean tenras.
  9. Mentres poñemos a cocer as patacas.
  10. Cando vexamos que o noso guiso lle quedan uns cinco minutos, engadimos os langostinos e as patacas en anacos. Remexemos para que se fagan os langostinos e as patacas collan o sabor do guiso.
Non vou a insistir no sabor que ides a levar a vosa mesa, pero levade un bo pan, pois non vai a quedar nin gota nos pratos. 

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es
No Facebock: http://www.facebook.com/boproveito