Ir al contenido principal

Garavanzos con bacallau

Ir a receita en castelán

Xa sei, xa sei que aínda no pasou O Entroido e eu xa ando con receitas de coresma. Pero como coincidiu de este xeito xa a vou adiantando.
Non é exactamente unha potaxe ou eu así a o entendín, leva o líquido suficiente para darlle a humidade que necesita.
Para facela imos a precisar:



400 Grs. de garavanzos cocidos

2 Culleróns de auga de cocer o bacallau

300 Grs. de bacallau desalgado

200 Grs. de sofrito de tomate

2 Cebolas

1 Pemento verde

2 Pementos choriceiros

2 Dentes de allo
1 Folla de loureiro

Aceite de oliva

Deixar os garavanzos de auga a noite anterior.
Cocer os garavanzos do xeito habitual con unha cebola e unha folla de loureiro.
Nun cazo con auga fría poñemos o bacallau, levamos o lume e no momento que comence a ferver retiramos e deixamos temperar o bacallau na auga. 
Poñer os pementos choriceiros nun cazo con auga temperada. Deixámolos repousar para que se hidraten e raspamos, co canto dun coitelo, a súa carne.
Picar a outra cebola, os dentes de allo e o pemento, refogar o conxunto en aceite, a lume brando, para que non se doure. Salgamos.
Cando a cebola, o allo e o pemento estean no seu punto, engadimos o sofrito e a carne dos pementos choriceiros (se usamos da carne que ven en bote 2 ou 3 culleriñas). Deixamos facer uns 15 minutos.
Incorporamos os garavanzos cocidos con dous culleróns da auga da cocción do bacallau. Damos un lixeiro fervor e engadimos o bacallau separado en láminas.

Quecer e levar a mesa quente. Como dixen máis arriba este prato está de pecado.

Trucos:
Podemos comprar garavanzos cocidos.
Podemos mercar o sofrito de tomate feito.
Mercamos un bote de carne de pemento choriceiro e conxelamos o sobrante en porcións para outras preparacións. 

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es
No Facebock: http://www.facebook.com/boproveito