Bica branca de Laza

  Ir á receita en castelán

O Entroido xa empeza a estar presente en todos os recunchos e a gastronomía non podía ser allea.

Imos a facer unha sobremesa que ten entidade propia no Entroido.

• 8 claras de ovo
• 350 grs de fariña
• 350 grs de tona para montar
• 435 grs de azucre
• Manteiga para untar

Esta bica que ten denominación de onde O Entroido se perde na historia dos tempos e se celebra con auténtica paixón. Ese lugar non é outro que Laza, un dos ángulos do triángulo máxico de O Entroido: Xinzo de Limia, Verín e Laza.

1. Comenzamos montando as claras de ovo a punto de neve forte, incorporando o azucre sen deixar de bater. 
2. Á mestura anterior imos incorporando pouco a pouco a fariña, que previamente temos peneirada, é moi importante que as claras non se baixen. 
3. Montamos a tona e incorporamos con unha culler de madeira ou espátula con movementos envolventes, sendo tamén moi importante o tema das claras. Quedará unha masa branca e compacta. 
4. Unha vez conseguida unha mestura homoxénea, untamos un papel de forno ca manteiga e poñemos este nun recipiente axeitado para ir ó forno. 
5. Vertemos a mestura e esparexemos azucre por riba, para que nos forme esa costra típica. 
6. Levamos ó forno prequecido a 180º entre  35 e 40 minutos (orientativo) e imos vendo a cor que toma. Pinchamos para ver o seu estado por dentro. Si se cuartea a costra superior entra dentro do normal.

Deixamos arrefriar sobre unha reixa. Non é necesario consumila toda no día, pero case sempre se termina toda no día.

Presentamos en anacos e cunha boa copa de licor café. 

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:

No correo:     olivarela@hotmail.es

No Facebock: http://www.facebook.com/boproveito