Ir al contenido principal

Mexillóns, chicharróns e vinagreta de cítricos

Ir á receita en castelán
Mexillón e chicharrón, si. Tedes que vos atrever ca mestura. Esta é unha receita de Ana Gago, de Restaurante Casa Pardo e posiblemente unha das mellores cociñeiras de España.
  • 1 quilo de mexillóns
  • 16 liscos de chicharrón prensado
  • Zume dunha laranxa
  • Zume de medio limón
  • Peles da laranxa e do limón
  • 2 allos
  • Aceite de oliva
Esta mestura de porco e mexillón, non é nova para min. Pola zona onde paso o verán, fan unha empanada de mexillón e chourizo realmente boa. O chourizo vai en poca cantidade, soamente para que lle dea un fantástico contrapunto.
  1. Abrimos os mexillóns ó vapor e separamos a carne das cunchas. Reservamos. Eu, para abrir os mexillóns, non incorporo ningún tipo de líquido na cazola, ábrense no seu propio líquido.
  2. Enrolamos os liscos de chicharrón e reservamos.
  3. Retiramos a pel da laranxa e limón, sen que leven parte branca. Cortamos as peles en xuliana fina.
  4. Cortamos o allo en rodelas finas e poñemos a pochar en dúas culleradas de aceite, xunto cas peles dos cítricos.
  5. Engadimos o zume da laranxa e o zume do medio limón (se non tedes problemas de acidez, podedes usar o zume do limón enteiro). Deixamos facer, uns minutos, para que se evapore un pouco de líquido e se mesturen os sabores.
  6. Pasamos os mexillóns por unha tixola quente para que se grellen.
  7. Para o servizo, poñemos os chicharróns de fondo, por riba os mexillóns grellados e regamos ca vinagreta de cítricos.
Tedes que probalo e xa veredes o ben que lle quedan os mexillóns, o seu paso pola grella.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es