Ir á receita en castelán
- 100 grs de arroz arborío
- Caldo de verduras
- 2 chalotas
- 1 anaco de pemento vermello
- 2 dentes de allo
- 1 cenoria
- 70 grs de chistorra
- 15 grs de manteiga
- Parmesano relado
- Viño branco
- Aceite
- Sal
Estes días ando a ver un libro de Martín Berasategui, "Cocina con garrote", e fixen unha receita do libro (proximamente nas súas pantallas) cun produto que nunca usara na miña cociña: a chistorra.
Pois como daquela receita sobroume chistorra e tal cual me marco un Jamie Oliver, se el lle bota chourizo á paella, eu bótolle chistorra un risotto.
Está claro que é unha receita de aproveitamento deses restos que nos van quedando soltos na neveira.
- Picamos as verduras de tamaño un pouco máis grande que de dado.
- Damos un corte lonxitudinal á chistorra e quitamos a pel. Picamos miúda e pasamos nunha tixola para que solte a graxa. Pasamos escoada a un prato con papel absorbente. Reservamos.
- Poñemos un golpe de aceite nunha cazola e pasamos, as verduras uns cinco minutos. Non queremos que se nos pochen de todo, queremos que nos queden enteiras.
- No mesmo aceite das verduras sofritimos o arroz un par de minutos e regamos a continuación co viño branco. Deixamos que se evapore o alcohol.
- A partir deste momento, imos incorporando o caldo de verduras pouco a pouco, e imos remexendo o arroz.
- Cando vexamos que imos a botar o último golpe de caldo, incorporamos as verduras e a chistorra.
- Deixamos uns cinco minutos e engadimos a manteiga e o queixo relado.
- Deixamos repousar uns minutos e listo.
Si non o preparades non ides a saber o sabor que estades a perder. E ides a privar os vosos comensais de un prato de luxo.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito