Ir á receita en castelán
- 2 lombos de bacallau desalgado
- 2 tomates
- 1 dente de allo
- Coandro
- 1 cebola morada
- Aceite de oliva
- 125 grs de fariña
- 5 grs lévedo fresco
- 150 ml de auga
- 2 dentes de allo
- 1 puñado de pirixel
- 1 clara de ovo
- Verduras variadas
Retomamos hoxe outra receita cun peixe moi presente neste blog. Presente por o seu sabor e presente pola súa versatilidade.
Faremos unha tempura que ben nos podería servir como unha Orly para unhas gambas.
O punto crítico desta receita está no aceite quente, pero que non abrase, para conseguir unha envoltura dourada e crocante e, ó mesmo tempo, un bacallau que nos se seque.
- Cortamos os lombos de bacallau (sen pel nin espiñas) en dados.
- Pelamos e cortamos en pequenos dados os tomates (sen sementes). Poñemos nun bol.
- Picamos fino o coandro, o allo e a cebola. Engadimos ó tomate e regamos con aceite. Salgamos, mesturamos e reservamos.
- Poñemos a fariña nun bol e engadimos o lévedo diluído en 50 ml de auga tibia. Deseguida engadimos sal e o resto da auga. Imos mesturando pouco a pouco ate que teña textura de crema.
- Regamos cunha cullerada de aceite de oliva por riba, tapamos cun pano e deixamos que duplique o seu volume (hora e media ou dúas).
- Pasado o tempo, incorporamos a clara a punto de neve, un majado de allo e pirixel e mesturamos con movementos envolventes ca masa reservada.
- Mollamos os dados de bacallau na masa e fritimos en aceite quente, ata que nos quede cunha bonita cor dourada. Escoamos en papel de cociña.
- Como nos vai a sobrar algo de masa, podemos facer uns bastóns con cabaciña, pemento roxo, cenoria, etc. Pasamos pola tempura e fritimos.
Presentamos os fritos de bacallau sobre unha cama de tomate e coandro. Acompañamos cas verduras fritas.
Nesta preparación, móstrase o bacallau ca súa textura máis suave.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito