Ir al contenido principal

Polbo, patacas e grelos

Ir á receita en castelán
  • Polvo cocido
  • Grelos
  • Patacas
  • Cebola
  • Allos tenros
  • Pementa negra
  • Pementón agridoce de la Vera
  • Sal Maldon







Nesta semana que empezamos, arranca a Feira Gastronómica de Xantar en Ourense. Entre as actividades da Feira está a de resaltar os produtos galegos de Denominación ou con o selo de Produtos de Indicación Xeográfica Protexida.
Entón coincidindo co arranque da Feira, publico esta preparación con produtos nosos, da nosa terra e con toda a súa esencia no sabor.


Nota sobre a cocción do polbo: 
  • Se mercades o polbo fresco, sabede que ou ben o mazades a golpes, ou ben o conxelades (mínimo dous días) para que se produza a rotura das fibras.
  • Desconxelamos o polbo o día anterior e, se non ven preparado, vaciamos totalmente a cabeza, sacamos o pico (a boca) que se sitúa no centro, onde se xuntan os raxos e lavamos ben.
  • Poñemos unha pota con auga e cando ferva metemos o polbo e deixámolo cocer a lume medio. O tempo vai a depender do peso da peza. A mellor maneira de saber se está é pinchar, cun palillo, na zona grosa onde se xuntan os raxos. Deixámolo que repouse na auga e fora do lume.
  • Como orientación: un polbo de dous quilos necesita uns 30 minutos de cocción, aproximadamente, e uns 20/25 de repouso.
Mitos sobre a cocción do polbo:
  • Si se coce en pota de cobre sabe mellor. Nen mellor nin peor. O uso do cobre debíase ó pouco peso do mesmo, que facilitaba o transporte.
  • Sabe mellor si se cocen grandes cantidades. O que necesita é espazo dentro da pota.
  • Botar unha pataca á cocción e o polbo estará cando a pataca estea lista. Todo vai a depender do tamaño do polbo e do tamaño da pataca.
  • Cerimonia de introducir e sacar tres veces da pota. Se vos gusta e queredes facelo adiante, pero non vai a mellorar para nada a cocción do polbo. O que é importante, é a cocción a temperatura constante e o repouso posterior.
  1. Comenzamos a nosa receita poñendo a cocer o polbo do xeito indicado. Se temos a oportunidade de mercalo xa cocido, traballo que nos aforramos.
  2. Ó mesmo tempo poñemos a cocer os grelos en auga con sal (uns 15/20 minutos). Tamén temos ó alcance da mao grelos envasados de moi boa calidade e con Indicación Xeográfica Protexida. De calquera dos xeitos, escoalos ben e reservar.
  3. Nunha tixola con abundante aceite, poñemos as patacas cortadas en rodelas. Facemos a lume brando, queremos que se nos cozan no aceite. Reservamos.
  4. Na mesma tixola de facer as patacas, pero unicamente cun fondo de aceite, pochamos a cebola cortada en plumas e cando estea incorporamos os allos tenros cortados en anacos pequenos. Deixamos facer o conxunto ate que comence a coller cor e incorporamos o polbo cortado en talladas. Botamos o pementón por riba e damos unhas voltas rápidamente para que non se nos queime. Reservamos.
  5. Salteamos os grelos, cortados, un par de minutos, na tixola na que salteamos o polbo.
  6. Montamos, no prato de servizo, unha base de patacas, por riba unha capa de grelos, rematamos co polbo e unhas escamas de sal Maldon.
Xa vedes que os ingredientes do polbo a feira están moi presentes: polbo, patacas, pementón, allos e aceite. Damos un toque distintos con outro produto moi noso, os grelos.
Ides a sorprender os vosos comensais.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es