Ir al contenido principal

Albondigón de atún roxo con prebe de cebola

Ir á receita en castelán
  • 400 grs de atún roxo
  • 2 ovos
  • Ovos de paspallás
  • 1 ceboleta + 1 cebola
  • Miga de pan
  • Leite
  • Trufa
  • Pirixel
  • Viño oloroso
  • Fariña
  • Pan relado
  • Aceite e sal



Esta receita vinlla facer a Ángel León xa fai un montón de anos e soamente a fixera nunha ocasión.
Case dende que me iniciei no blog, tiven gañas de poñela e por fin lle chegou o seu tempo.
Unhas precisións: eu non usei o viño oloroso, pero é ingrediente da receita orixinal e para o recheo usei xemas de ovos de paspallás, pois fixen os albondigóns algo máis pequenos.
Feitas estas precisións, imos a proceder do seguinte xeito:
  1. Poñemos a miga de pan a remollo na leite.
  2. Picamos o atún fino e con coitelo
  3. Nun bol poñemos o atún, a miga de pan, o pirixel picado, un ovo, a ceboleta relada e o viño oloroso (opcional). Mesturamos ben cas mans, tapamos con film e deixamos na neveira unhas 12 horas.
  4. Poñemos as xemas dos ovos de paspallás, de forma individual, en paquetiños feitos con film e levamos a conxelar.
  5. O día de facer os albondigóns, imos a facer o prebe de cebola. Para elo picamos a cebola en brunoisse e botamos no aceite quente. Imos deixar que a cebola tome bastante cor, case ate queimarse. Chegados a este punto cubrimos con auga e deixamos facer uns 15 minutos.
  6. Pasamos o consomé de cebola polo chino e reducimos para obter un rico prebe.
  7. Mentres formamos os albondigóns, metendo unha xema de ovo no medio e un par de lascas de trufa. Pasamos por fariña (sacudindo o exceso), ovo batido e pan relado.
  8. Fritimos os nosos albondigóns en aceite quente, para que se douren por fora. Se os nosos comensais non comeran o atún pouco pasado, baixaremos o lume e faremos un pouco mais despazo para que se pase ben por dentro.
  9. Poñemos, na base do prato de servizo, o prebe de cebola e por riba o albondigón que abriremos ó medio e a xema fará un efecto coulant. Podemos relar unha pouca trufa por riba.
En palabras de Ángel León, esta sería unha versión do atún encebolado.
Vos animo a que o probedes, merece a pena as preparacións, xa que o resultado é bo, saboroso e vistoso.

Nota: Como me interesan os vosos comentarios e me gustaría responder directamente, vos agradecería que os comentarios ou consultas as fagades por un destes dous camiños:
No correo:     olivarela@hotmail.es
Etiquetas: