Ir á receita en castelán
- Lombo de bacallau desalgado
- 1 pemento vermello
- 1 pemento amarelo
- 2 tomates
- 1/2 coliflor
- allos
- aceite de oliva
- pementón agridoce de La Vera
Como viredes observando de algún tempo a esta parte, cada vez gústame máis xogar cas texturas dos peixes. Neste caso en concreto volvo a voltas co bacallau, envasado ó baleiro e cocido ó vacío.
Dende a primeira vez que preparei o bacallau con esta técnica, quedei enganchado a esta textura.
- Nunha tixola con aceite de oliva, sofritimos os allos laminados ate que comencen a tomar cor. Retiramos os allos e deixamos que arrefríe o aceite.Cando estea frío incorporamos o pementón, remexemos e deixamos infusionar en frío. Poñemos en repouso para que as partículas de pementón vaian ó fondo e usar soamente o aceite coloreado.
- Envasamos o lombo de bacallau á baleiro, poñendo dentro un chorriño de aceite de oliva e pementa negra moída.
- Picamos a cebola, os pementos e os tomates pelados, sen sementes e cortados en dados.
- Cocemos as ramas de coliflor ata que estea ó dente.
- Mentres coce a coliflor, sofritimos a cebola, os pementos e os tomates. Reservamos.
- Cocemos o bacallau do xeito que xa se explicou na receita Bacallau cocido ó baleiro e a baixa temperatura
- Montamos o noso prato poñendo unha base do pisto que temos reservado e por riba uns ramiños da coliflor. Xusto ó lado o lombo de bacallau. Regamos o bacallau e as verduras con aceite de pementón que xa teremos decantado.
Ides a ter, de xeito moi sinxelo, un delicioso prato de bacallau. Ademais ides a experimentar unha textura no bacallau, distinta a como o tedes probado ata agora.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito