Ir á receita en castelán
- Supremas de salmón sen pel nin espiñas
- Follas grandes de repolo
- 1 tomate
- 4 patacas
- 1/2 pemento verde
- 1 cebola mediana
- 1/2 vaso de viño branco
- Un belisco de bicarbonato
- Aceite de oliva
- Pementa e sal
Hoxe imos con outra receita de peixe, neste caso o salmón, que imos a presentar en forma de paquete.
As supremas son pezas que sacamos dos lombos con un corte en forma rectangular.
Non poño cantidades de salmón e follas de repolo, cada quen segundo os comensais, pero de guarnición si. Son aproximadamente para catro persoas.
O tempo de forno irá en función de como vos guste de pasado o salmón, a min gústame que quede por dentro non moi pasado.
O primeiro que faremos, será lavar as follas de repolo e escaldalas en auga fervendo, co belisco de bicarbonato, un par de minutos. Sacamos e pasamos inmediatamente a un recipiente con auga fría e xeo, que teremos preparado, co fin de parar a cocción e que non perda a sua cor verde.
Escoamos ben as follas, incluso as poñemos entre duas follas de papel de cociña para secalas. Cortamos a parte mais grosa do nervio central.
Envolvemos as supremas, salpimentadas, nas follas de repolo secas e reservamos.
Picamos en pequenos cadrados a cebola, o tomate e o pemento, que pocharemos a lume brando e ca cazola tapada.
Cando as verduras estean ben pochadas, incorporamos as patacas cortadas en gallas e salteamos o conxunto uns minutos.
Levamos o conxunto das verduras e as patacas a unha fonte apta para o forno e facemos a 190º, ate que as pataca estean tenras. Nese momento poñemos os paquetiños na bandexa do forno e por riba das patacas. Facemos o salmón entre 10 e 15 minutos. Como xa dixen o tempo vai a depender de como vos guste a textura do salmón. Se o queredes mais pasado, tenredes que aumentar o tempo entre 5 e 10 minutos.
Servimos os paquetiños do salmón por riba da guarnición.
Se vos sobrara algún paquetiño de salmón, podedes usalo para unha cena fría, cortando en rodelas e podedes acompañalo cun marmelo de pemento roxo.
Unha comida con peixe que fai prato único.
Servimos os paquetiños do salmón por riba da guarnición.
Se vos sobrara algún paquetiño de salmón, podedes usalo para unha cena fría, cortando en rodelas e podedes acompañalo cun marmelo de pemento roxo.
Unha comida con peixe que fai prato único.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito