Finais de agosto. Imos dar por aberta a nova tempada despois de case que dous meses de vagancia total.
Arrancamos
esta nova tempada cunha receita saudable, peixe e verduras. O peixe que
imos a utilizar nesta ocasión é a dourada, peixe que podemos encontrar
de acuicultura a un prezo moi alcanzábel. Que está mellor a brava, pois
si, pero a diferenza económica é notable e o resultado é moi digno ca
dourada de acuicultura. O tema queda á elección do peto de cada un, a desta preparación é (era) de acuicultura e
estaba realmente moi boa.
Usaremos unhas verduras salteadas para acompañar, que eu deixei ó "dente", co fin de darlle un toque crocante o noso prato.
Deixámonos de leria e imos ca lista de ingredientes para a nosa receita:
Espinacas baby
Espárragos verdes
Cenoria
Pemento roxo
Champiñóns
Tomates cherrys
Allos
Lima
Pementa negra
Prebe de solla
Aceite de oliva e sal
Non dou cantidades de verduras, pois que cada quen as use segundo os seus gustos. Si vou a dar para o prebe de solla, xa que é moi potente: unha culler de café para catro lombos.
Comenzamos
por preparar todas as verduras. Cortamos o pemento vermello en tiras e
dámoslle un escaldado de uns 5-7 minutos, para abrandalo.
Limpamos
os champiñóns e cortamos en anacos, pelamos a cenoria e cortamos en tiras, cortamos a parte leñosa dos espárragos e pelamos, cortamos os
tomates en dous.
Para o marinado do peixe, relamos a pel da lima, facemos o zume e picamos os allos.
Mentres
imos a saltear as verduras, poñemos os lombos nun recipiente axeitado,
moemos a pementa negra sobre eles, botamos os allos, o zume da lima, a
culler de café de prebe de solla e un chorro xeneroso de aceite de
oliva. Reservamos na neveira uns 10 minutos.
Poñemos
unha tixola ó lume con un pouco de aceite de oliva e salteamos
primeiramente os champiñóns, os espárragos e as cenorias. Deixamos facer
uns minutos para a continuación incorporar as follas de espinacas, os
tomates e as tiras de pemento. Remexemos o conxunto, facemos uns minutos
e reservamos.
Nunha
prancha quente facemos os lombos da dourada, uns tres minutos por cada
lado. Co fin de non marear os lombos e se nos desfagan, botámolos
primeiro ca pel para abaixo, logo damos unha sola volta e presentamos ca
pel cara arriba.
Para
a presentación do noso prato, facemos unha cama cas verduras salteadas e
poñemos por riba o lombo. Por riba imos a botar un pouco de reladura da
lima, que lle dará un toque de frescor.
Inmediatamente á mesa a non deixalo arrefriar.
Nota:
Como me interesan os vosos comentarios e me gustaría responder
directamente, vos agradecería que os comentarios ou consultas as fagades
por un destes dous camiños:
No correo: olivarela@hotmail.es
No Facebock: http://www.facebook.com/boproveito