Ir al contenido principal

Entradas

Mostrando entradas de julio, 2012

A malla (O ciclo do pan)

Antes de comenzar quero indicar que o último paso do ciclo, a fornada, e por compromiso ineludible, non aparecerá nestas entradas. Pois ben, o pasado sábado 28 avanzou un paso máis o proceso do pan, neste caso ca malla. Todo o que se segara no sábado anterior, estaba almacenado nun enorme palleiro, do que se ía sacando para pasar pola malladora. A máquina que se utilizou ten máis de 100 anos, e falábanme dela, con orgullo, os netos do propietario da máquina. Contaban que a miman con cariño, que a prenden unha vez o mes, para que estea a punto, podo constatar que non fallou nin unha soa vez. Tamén conservaban a limpadora, máquina manual onde xa o grao saia completamente limpo para a seguinte fase, proceso no que se implicaba os máis cativos. Comentábame un home que hai anos estaban a traballar 2 maquinas coma esas e durante dúas semanas no pobo. O final fixeron unha pequena demostración de coma se facía a malla con anterioridade a chegada das máquinas. Estiven a falar tamén con

Bonito encebolado

Ir a receita en castelán Que tal se facemos algo con un dos peixes azuis máis apreciados, o bonito. Antes da receita quero facer unha consideración sobre este peixe. Eu que son mestre de nada e aprendiz de todo, pero que vou tendo unha experiencia, penso que non se cociña moi ben o bonito, dáselle moita cocción e queda moi seco. O bonito faise case exclusivamente co calor residual da cocción, de este modo despois de levar a ferver onde vai a ir cociñado o bonito, bótase o mesmo, dúas voltas e retirar do lume, coma indicaba antes deixar que se faga co calor residual. Veredes coma se nota a diferencia. Para 4 pax imos a necesitar: 600 grs de bonito fresco 400 grs de cebola morada 3 dentes de allo 1/2 vaso de viño branco 2 culleradas de vinagre de Jerez 1 cullerada de ourego 1 cullerada de pementón Alfábega Aceite, sal e pementa Limpamos o bonito de pel e espiñas, e cortamos e dados. Mesturamos ben o vinagre, o ourego, o pementón, sal e pementa. Poñemos o bonito a mace

Arroz con carne de porco

Ir a receita en castelán Hoxe tócalle outra vez a unha das miñas comidas favoritas, o arroz. O que vai nesta entrada sería a versión do país, se usamos produtos de porco ibérico, sería a versión "deluxe". Que eu diga que está bo, non tería mérito ningún, pois como xa teño dito o arroz de todas las maneiras, co cal non sería obxectivo, pero os outros comensais si dixeron que estaba bo. Pois aí vai o que nos faría falla para 4 pax, aproximadamente, cada quen o que máis lle guste: 300 grs de arroz 200 grs de lombo adobado 1 chourizo fresco 200 grs de touciño 1 cebola 3 dentes de allo Pementón agridoce de La Vera Aceite de oliva, sal e pementa Coma primeiro paso coceremos uns minutos o chourizo nunha pouca auga, para quitarlle o exceso de graxa e non nos estrague o arroz ca mesma. Quitámoslle o coiro o touciño e picamos en tiras, cortamos en dados o lombo e en rodelas o chourizo xa cocido. Picamos a cebola e os allos. Nunha cazola cun pouco de aceite, engad

Crema fría de cabaza

Ir a receita en castelán Como temos unha temperatura axeitada a estación na que estamos, teremos que paliar o calor con pratos frescos, coma é o que nos ocupa. Este prato ofrécenos por riba a posibilidade de deixalo preparado con anterioridade. Para elo e para 4 pax precisaremos o seguinte: 500 grs de cabaza 800 ml de caldo de verduras 1 vaso pequeno de viño branco 1 iogur natural 100 grs de touciño 1,5 porros 1 dente de allo Sal, pementa e aceite de oliva Picamos un porro e o dente de allo. Nunha cazola nun pouco de aceite refogámolos sen que collan cor. Engadimos a cabaza cortada en anacos e seguimos a cocción uns 10 minutos. Pasado o tempo, incorporamos o viño e deixamos evaporar o alcohol. Completamos co caldo, salpimentamos e cocemos ata que a cabaza estea branda. Batemos o conxunto e a continuación pasamos polo chino co fin de que quede unha crema fina. Deixamos temperar e engadimos o iogur. Batemos de novo e reservamos na neveira. Cortamos en xuliana fi

A seitura (O ciclo do pan)

Esta entrada é a primeira de catro que forman "O ciclo do pan" que pretendo completar e que forma parte das Festas Etnográficas da Vila de Allariz, na que se recrean as diversas fases do pan. Pois ben, onte 21 de xullo, os veciños de Queiroás da Igrexa fixeron o primeiro acto (manual), para que o pan poida chegar as nosas mesas: a seitura. Esta práctica queda case que desaparecida a finais dos 60 e comenzos dos 70, ca aparición das primeiras máquinas segadoras. Neste caso os veciños por razón de vecindade, proceden a sega do trigo. Segundo lin nun refrán a seitura ven a ser un día soleado contra o Santiago. " P olo San Xoán sécalle unha raíz ó pan, polo San Pedro sécalle a do medio e polo Santiago fouciños ó agro ". Pois así pasou a mañá, as 10,30 comenzaron os segadores e segadora en ringleira, e detrás os atadores. Contra as 12 e xa rematada a faena, compartiron un almorzo colectivo. Falando con algún home dos que alí estaban, que xa fora a segar a Castel

Follados de xamón e queixo

Ir a receita en castelán Imos con un primeiro rápido, sinxelo e si hai nenos na casa moi apetitoso para eles. Trátase de algo moi común, pero non por elo menos saboroso e que tanto serven para un primeiro, como indico máis arriba ou para unha merenda, unha cea rápida, etc. Pare elo necesitaremos: 1 masa follada Xamón cocido Xamón de pavo Queixo 1 ovo Estiramos a masa follada e cortamos en porcións do tamaño que nos interese, eu fixen coma se foran empanadillas. Picamos o xamón de pavo e o cocido. Por riba de cada porción de masa, botamos un pouco de xamón cocido, queixo por riba e xamón de pavo. Pechamos a masa, pintamos con ovo batido e forno prequecido a 200º entre 15 ou 20 minutos. Non os deixedes arrefriar para que non se perda a untuosidade do queixo.

Solombo de porco a laranxa

Ir a receita en castelán Imos a traballar hoxe unha peza xa utilizada en outras entradas e moi saborosa, o solombo de porco. Entón ímonos a poñer maos a obra e necesitaremos: 2 solombos pequenos ou 1 bo 1 cebola pequena 1 cullerada pequena de fariña 1 laranxa 1 cullerada de zume de limón 1/4 vaso de leite 1 anaco de xenxibre Mel, pementa, aceite e sal 1 copa de ron 1 pataca grande 150 grs de cabaza Pelamos as patacas e cortamos en anacos. Pelamos e sacamos as sementes a cabaza e tamén cortamos en anacos. Poñemos a cocer cubertas de auga ata que estean brandas. Mentres pelamos a laranxa, pero evitando a parte branca (con un pelapatacas é bastante doado) e esprememos. A cascara da laranxa cortámola fina. Picamos a cebola e sofreimos nun pouco de aceite e deixamos facer. Botamos a cullerada de fariña, a pel da laranxa, o xenxibre pelado e relado, o zume da laranxa e máis o do limón e a mel. Deixamos cocer uns 10 minutos ata que colla unha consistencia espesa. Esco

Xoubas fritas

Ir a receita en castelán Parece que chegou o verán con calor africano incluido. Pero esta ben hai que darlle vidilla o persoal. Pois como estamos no tempo, que vos parece si preparamos unhas xoubas, pois imos a elo. Como aviso, os que non lle guste o sabor a vinagre, remata a receita neste momento. Para 4 pax necesitaremos aproximadamente: 600 grs de xoubas 2 ou 3 patacas boas Vinagre de Xerez Ovos Pan relado 1 dente de allo Perexil 80 grs de noces peladas 1/2 limón (o zume) Aceite de oliva, pementa e sal Limpamos as xoubas e temos dúas opcións: poñelas enteiras ou abertas e sen espiñas (boa opción se hai nenos). Poñémolas a marinar unha hora cubertas co vinagre de Xerez. Pélanse as patacas e córtanse en rodelas coma para fritir. Poñemos un cazo con auga, sal e vinagre e cocemos uns 2 ou 3 minutos as patacas. Escoamos e reservamos nun pano. No vaso do batedor poñemos as noces, medio dente de allo, o zume do limón, 4 culleradas de aceite e 4 de auga. Batemos o con

Salpicón de langostinos

Ir a receita en castelán Pois ben parece que estamos no que definen coma un "verán inglés", debe ser cousa da crise e do rescate que ata nos quedamos sen verán e préstannos un, xa veremos como lle pagamos os intereses. Mentres desaparece e ven de unha vez o noso, imos con unha receita moi apropiada para o calor, e para ela necesitaremos: Langostinos cocidos 1/2 pepino 1/2 pemento vermello 2 tomates 1 ceboleta 6 pepinillos en vinagre Vinagre Perexil e ceboliño Aceite de oliva, sal e pementa Cortamos os langostinos en anacos e reservamos. Lavamos todas as verduras. Abrimos o pepinillo pola metade e retiramos a parte das sementes. Cortamos en dados. Pelamos os tomates, limpamos de sementes e cortamos tamén en dados. Facemos a mesma operación co pemento. A ceboleta picámola fina e tamén os pepinillos. Mesturamos todas as verduras xunto cos langostinos, aderezamos o noso gusto e presentamos con perexil e ceboliño picado por riba. Un primeiro prat

Auria Vinum

Onte o longo do día desenrolouse en Ourense Auria Vinum, o túnel dos viños. A actividade centrouse nunha exposición dos viños de D.O. en Galicia, tendo a oportunidade de velas toas elas xuntas e coma incentivo a opción de catalos todos e cada un deles. Dentro de este acontecemento celebrouse un taller de Maridaxe con viños ourensáns, no que actuou de mestre de cerimonia Javier González de A Rexidora do Grupo Nove, de todos coñecido. Acompañouno nesta labor David Barco, presidente da Asociación Galega de Sumillers, que completou cas súas explicacións dos viños escollidos ese maridaxe. Quero resaltar nesta entrada o reivindicación que fixo Javier González en defensa da compra no mercado tradicional e da utilización na nosa cociña de productos naturais e de tempada. Un que leva visto algúns mercados polo resto de España, sinte un pouco de pena cando vai o de Ourense e ver na decadencia que está caendo. Súmome a súa reivindicación e tendo que en conta que no acto se atopaba a Concell