Ir al contenido principal

Rabo de tenreira guisado

Ir a receita en castelán

Esta peza da tenreira é xunto co xarrete e as carrilleiras, das que máis me gusta preparar. A verdade é que tiña gañas de preparalo con rabo de boi ou vaca, máis nunca se me pon a tiro e non o dou atopado.
Non deixedes de probar esta peza, sobre todo aqueles que teñen algunha reticencia a este tipo de pezas do animal. Van a ser uns conversos coma eu o fun no seu momento do bacallao.

As medidas que vou a dar fan relación a un rabo de tenreira, é unha boa medida para dou comensais.
1 rabo de tenreira
2 cenaorias
2 porros (a parte branca)
1 cebola mediana
3 chalotas
1 ramo de tomiño e romeiro
2 dentes de allo
1 vaso de ron negro (o brandy vai moi ben)
1 litro de caldo de carne
Pementa negra en grao
2 culleriñas de mostaza

Traemos a rabo xa cortado en porcións. Nunha cazola con aceite de oliva, pasamos a carne para que sele, pero sen abrasala. Retiramos e salgamos.
No mesmo aceite facemos os allos, a cebola, as chalotas, as cenorias (en anacos de uns 4 cms.) e os porros todo picado.
Cando as verduras están no seu punto, engadimos os pedazos de carne e mesturamos cas verduras. Neste momento engadimos o ron e flambeamos (non me canso de avisar, ollo cas campás de extracción).
Unha vez rematado o flambeado, engadimos o caldo de carne, uns graos de pementa negra, o ramo das herbas e as dúas culleriñas de mostaza. Damos unhas voltas e deixamos facer a lume medio, ata que a carne estea tenra. Unha hora e media aproximadamente.
Unha vez rematada sacamos a carne da cazola e temos dúas opcións: pasar o prebe polo chino e reducir ou reducir cas verduras picadas. Eu neste caso deixei as verduras pois ca cocción estaban practicamente desfeitas.
Acompañamos o prato con un bo puré de pataca.
Non dubidedes ir a por a peza e facelo, os vosos comensais van a agradecelo.